ఈసారి సీనియర్ లాయర్‌ గా ఫరియా.. కామెడీ డబుల్‌

జాతిరత్నాలు సినిమాలో లాయర్ గా నటించిన ఫరియా అబ్దుల్లా నవ్వులు పూయించిన విషయం తెల్సిందే. ముఖ్యంగా కోర్టులోని సన్నివేశాలు ఇప్పటికి కూడా చాలా ఫ్రెష్‌ గా అనిపిస్తూ నవ్వు తెప్పిస్తాయి. కోర్టు లో ఫరియా వ్యవహరించిన తీరును ప్రతి ఒక్కరు కూడా అభిమానించారు అనడంలో సందేహం లేదు.

ఫరియా జాతిరత్నాలు సినిమా తో సూపర్ హిట్ సొంతం చేసుకున్నా కూడా లక్‌ కలిసి రాకపోవడంతో ఎక్కువ ఆఫర్లు ఈ అమ్మడికి దక్కలేదు. ప్రస్తుతం ఫరియా ఆశలు మొత్తం కూడా రవితేజ హీరోగా నటించిన రావణాసుర సినిమా పై ఉన్నాయి. త్వరలో ప్రేక్షకుల ముందుకు రాబోతున్న రావణాసుర సినిమా ప్రమోషన్‌ లో ఫరియా పాల్గొంటుంది.

రావణాసుర సినిమా లో ఫరియా అబ్దుల్లా లాయర్‌ పాత్రలో కనిపించబోతుందట. జాతిరత్నాలు సినిమా లో ఎలా అయితే ఫరియా లాయర్ గా నవ్వించిందో అంతకు మించి రావణాసుర సినిమాలో కామెడీతో నవ్వులు పూయించబోతున్నట్లుగా ఇటీవల ఒక ఇంటర్వ్యూలో పేర్కొంది.

సినిమాలో రవితేజ కంటే ఫరియా సీనియర్ లాయర్ గా కనిపించబోతుందట. రవితేజ కంటే సీనియర్ లాయర్‌ అవ్వడం వల్ల ఇద్దరి మధ్య ఫన్నీ సన్నివేశాలు ఉంటాయని.. ఇద్దరి కాంబోలో ఉండే సీన్స్ సినిమాకు ప్రధాన ఆకర్షణగా ఉంటాయి అన్నట్లుగా ఫరియా పేర్కొంది. రవితేజ సర్ తో నటించిన సమయంలో అలసట అనేది తెలియదు అంది.

రావణాసుర సినిమా తర్వాత ఫరియా వరుస సినిమాలతో బిజీ అయ్యే అవకాశాలు ఉన్నాయని తెలుస్తోంది. రావణాసుర సినిమా లో ముగ్గురు ముద్దుగుమ్మలు హీరోయిన్స్ గా నటించారు.

అయినా కూడా ఫరియాకు మంచి గుర్తింపు ఈ సినిమా తో రావడం ఖాయం.. తద్వార వరుస ఆఫర్లు రావడం ఖాయం అన్నట్లుగా ఆమె సన్నిహితులు నమ్మకంగా ఉన్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.