ట్రైల‌ర్ టాక్ : ప్ర‌తీ ఒక్క‌డిలోనూ దొంగే వున్నాడు

ఫ్యామిలీ మ్యాన్‌, ఫ్యామిలీ మ్యాన్ 2 సిరీస్ ల‌తో దేశ వ్యాప్తంగా సంచ‌ల‌నం సృష్టించిన ద‌ర్శ‌క‌ద్వ‌యం రాజ్ అండ్ డీకె రూపొందించిన లేటెస్ట్ వెబ్ సిరీస్ `ఫ‌ర్జీ`. షాహీద్ క‌పూర్‌, విజ‌య్ సేతుప‌తి ప్ర‌ధాన పాత్ర‌ల్లో న‌టించారు. రాశీఖ‌న్నా, రెజీనా హీరోయిన్ లు గా న‌టించ‌గా కెకె మీన‌న్ కీల‌క పాత్ర‌లో న‌టించాడు. న‌కిలీ నోట్లు త‌యారు చేసే వ్య‌క్తిగా షాహీద్ క‌పూర్ ఇందులో న‌టించ‌గా, అత‌న్ని ప‌ట్టుకునే ప‌వ‌ర్ ఫుల్ రూత్ లెస్ పోలీస్ ఆఫీస‌ర్ గా విజ‌య్ సేతుప‌తి క‌నిపించ‌నున్నాడు.

అమెజాన్ ప్రైమ్ లో త్వ‌ర‌లో స్ట్రీమింగ్ కాబోతోంది. ఈ నేప‌థ్యంలో ఈ సిరీస్ కు సంబంధించిన ట్రైల‌ర్ ని విడుద‌ల చేశారు. ఓ సాధార‌ణ ఫ్యామిలీలో పుట్టిన ఓ యువ‌కుడిగా, దేనినైనా కాపీ చేయ‌డంలో ఎక్స్ ప‌ర్ట్ గా న‌కిలీ నోట్ల‌ని గుట్ట‌లు గుట్ట‌లుగా ముద్రించ‌గ‌ల నేర్ప‌రిగా క‌నిపించ‌నున్నాడు. త‌న డైలాగ్ ల‌తో ట్రైల‌ర్ మొద‌లైంది. డ‌బ్బుల‌తో సుఖాల‌ని కోనుక్కోలేం అని డ‌బ్బులు లేని చ్యూత్యేలు చెప్పేమాట.. ప్ర‌తీ ఒక్క‌డిలోనూ దొంగే వున్నాడు అంటూ షాహీద్ డైలాగ్స్ ఆక‌ట్టుకుంటున్నాయి.

షాహీద్ క‌పూర్‌, విజ‌య్ సేతుప‌తి తొలిసారి న‌టించిన వెబ్ సిరీస్ ఇదే కావ‌డం విశేషం. ఈ సిరీస్ తో తొలిసారి ఈ ఇద్ద‌రు హీరోలు డిజిట‌ల్ వ‌ర‌ల్డ్ లోకి ప్ర‌వేశిస్తున్నారు. షాహీద్ క‌పూర్ క్యారెక్ట‌ర్ ని డిజైన్ చేసిన తీరు, అత‌న్ని వెతికే క్ర‌మంలో పోలీస్ ఆఫీస‌ర్ గా విజ‌య్ సేతుప‌తి అస‌హ‌నానికి గురై మినిస్ట‌ర్ ని ఆడుకోవ‌డం న‌వ్వులు పూయిస్తోంది. ట్రైల‌ర్ వెర‌సి ఓ లిప్ లాక్‌.. న‌కిలీ నోట్ల కోసం పోలీసుల వేట త‌ప్పితే చెప్పుకోవ‌డానికి ఈ సిరీస్ లో పెద్ద‌గా ఏమీ లేద‌ని ట్రైల‌ర్ తో స్ప‌ష్ట‌మ‌వుతోంది.

డీఆర్ 2 ఫిలింస్ అత్యంత భారీ స్థాయిలో నిర్మించిన ఈ సిరీస్ అమెజాన్ ప్రైమ్ లో ఫిబ్ర‌వ‌రి 10 నుంచి స్ట్రీమింగ్ కాబోతోంది. ఇది హిందీలో మాత్ర‌మే స్ట్రీమింగ్ అవుతుందా? .. తెలుగు, త‌మిళ భాష‌ల్లోనూ దీన్ని రిలీజ్ చేస్తారా అన్న‌ది వేచి చూడాల్సిందే. యాజ్ యూజ్ వ‌ల్ గా రాశీఖ‌న్నా, రెజీనా ప్రాధాన్య‌త లేని పాత్ర‌ల్లో క‌నిపించిన‌ట్టుగా ట్రైల‌ర్ లో తెలుస్తోంది. సిరీస్ లో ఏమైనా ప్రాధాన్య‌త వుందో తెలియాలంటే ఫిబ్ర‌వ‌రి 10 వ‌ర‌కు వేచి చూడాల్సిందే.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.