వివాదం త‌ర్వాత పెళ్లికూతురు మెరుపులు!

ఏడాది కాలంగా నిరంత‌రం ఏదో ఒక కార‌ణంతో వార్త‌ల్లో నిలుస్తోంది ఫాతిమా స‌నా షేక్. ఇంత‌కుముందు అమీర్ ఖాన్ త‌న భార్య కిర‌ణ్ రావు నుంచి విడిపోతున్నార‌న్న వార్త‌ల అనంత‌రం ఓ ఊహించ‌ని ఫోటో నెట్ లో దుమారం రేపింది. అమీర్ ఖాన్-ఫాతిమా సనా షేక్ ల పెళ్లి ఫొటో ఇంటర్నెట్ లో హల్ చల్ చేసింది. ``ఇదే పెళ్లి ఫోటో ``అంటూ ఒక ఫోటోని వైర‌ల్ చేసారు నెటిజ‌నులు. గత ఏడాది జూలైలో విడాకులు తీసుకుంటున్నట్లు అమీర్ - కిరణ్ ఉమ్మడి ప్రకటన విడుదల చేశాక ప‌రిణామ‌మిది. జూలై 2021లో అమీర్ ఖాన్ కిరణ్ రావు విడాకులు తీసుకుంటున్నట్లు ప్రకటించారు. ఈ జంట వారి 15 సంవత్సరాల వివాహాన్ని ముగించారు. దీంతో అమీర్ అభిమానులతో పాటు పరిశ్రమ జ‌నం షాక్ కు గురయ్యారు.

బ్రేక‌ప్ ప్రకటన తర్వాత అమీర్ ఖాన్ సోషల్ మీడియాలో ట్రెండింగ్ గా మారాడు. అత‌డిపై ఇంటర్నెట్ ట్రోల్స్ బెదిరింపులు ఎదుర‌య్యాయి. అమీర్ మాత్రమే కాదు... నటి ఫాతిమా సనా షేక్ కూడా నటుడితో పాత లింక్-అప్ పుకార్ల కారణంగా నెటిజనుల్లో టార్గెట్ గా మారింది. ఈ విషయంలో ఫాతిమా పేరును లాగారు. అమీర్ - కిరణ్ విడాకులకు ఆమె కారణమని ప్రజలు ఆమెను ఎగతాళి చేసారు .. నిందించారు. ట్రోల్ లు మరొక స్థాయికి వెళ్లాయి.

ఇద్దరూ రహస్యంగా వివాహం చేసుకున్నారనే వాదనలతో సోషల్ మీడియాలో వైరల్ అయిన అమీర్ - ఫాతిమా ఫోటోని షేర్ చేశారు.ఫోటోలో అమీర్ తెల్లటి సాంప్రదాయ సూట్ లో అలంకరించబడి ఉన్న ఫాతిమాతో పోజులిచ్చాడు. ఆమె హెయిర్ లైన్ లో సింధూర్ తో బంగారు కంజీవరం చీరలో పోజులిచ్చింది. అయితే పుకార్లు అన్ని నిరాధారమైనవి. ఫోటో కూడా ఫోటోషాప్ చేసిన‌ది అని తేలింది. వైరల్ అయిన‌ ఫేక్ పిక్చర్ గురించి నిజం ఏమిట‌న్న‌ది ఆరాలు మొద‌ల‌య్యాయి. చాలామంది నిజ‌మేంటో తెలుసుకోకుండా చాలా మంది అమీర్ ను విమర్శించారు. త‌దుప‌రి అతని చిత్రం లాల్ సింగ్ చద్దాను కూడా బహిష్కరించాలని నిర్ణయించుకున్నారు.

అనంత‌రం ఈ పుకార్లపై ఫాతిమా సనా షేక్ స్పందించింది. దంగల్ విడుదల తర్వాత కొన్ని సంవత్సరాల పాటు నటి ఫాతిమా సనా షేక్ అమీర్ ఖాన్ తో లింకప్ వార్త‌ల్లో న‌లిగిపోయింది. తన డేటింగ్ పుకార్ల గురించి మాట్లాడుతూ.. ఆమె ఒక ఇంటర్వ్యూలో ఇలా చెప్పింది. ``నేను ఎప్పుడూ కలవని కొంతమంది అపరిచితులు నా గురించి రాస్తున్నారు. అందులో నిజం ఉందో లేదో కూడా వారికి తెలియదు. దాన్ని చదివేవాళ్లు నేను మంచి వ్యక్తిని కాదని అనుకుంటారు. మీరు ఆ వ్యక్తిని అడగండి. నేను మీకు సమాధానం ఇస్తాను. ప్రజలు తప్పుగా భావించడం నాకు ఇష్టం లేనందున ఇది నన్ను కలవరపెడుతోంది`` అని వ్యాఖ్యానించింది. అమీర్ ఖాన్ - కిరణ్ రావు వారి కుమారుడు ఆజాద్ రావ్ ఖాన్ కు సహ-తల్లిదండ్రులుగా ఉన్నారు. నటుడు రీనా దత్తాను గతంలో వివాహం చేసుకున్నారు. వారికి ఇద్దరు పిల్లలు - కుమారుడు జునైద్ ఖాన్ - కుమార్తె ఇరా ఖాన్ ఉన్నారు.

పెళ్లి కూతురు గెట‌ప్ బావుంది!

తాజాగా ఫాతిమా స‌నాషేక్ సోష‌ల్ మీడియాల్లో షేర్ చేసిన ఫోటోషూట్ వైర‌ల్ గా మారింది. ఇది వివాహ వేడుక‌ల‌కు ధరించడానికి సాంప్రదాయమైన కానీ ఆధునికమైన వాటి కోసం వెతికే వారికి స‌రిగ్గా స‌రిపోయే డ్రెస్. దీనికి సాంప్రదాయ సమకాలీన ఫ్యాషన్ ను జోడించి అందమైన షిఫాన్ రచ్డ్ స్కర్ట్ - ఎంబ్రాయిడరీ బ్లౌజ్ సెట్ ను డిజైన్ చేయ‌గా ఫాతిమా ధరించింది. ఫాతిమా సనా షేక్ తన దుస్తులను ఆర్గాన్జా కేప్ తో జత చేయడం ద్వారా ఆమె రూపానికి మరింత సమకాలీన మెరుగులు దిద్దారు. దీనికి సమకాలీన లెహంగా సెట్ వెనుక డిజైనర్ రిధి మెహ్రా విలువ రూ.78వేలు. ఫాతిమా సనా షేక్ తన మొత్తం దుస్తులను తన అభిమానులకు చూపిస్తూ మెలికలు తిరిగిపోతోంది మ‌రి. ముఖంపై మిలియన్ డాలర్ల చిరునవ్వు ఆక‌ట్టుకుంటోంది.