ఫేవరెట్ జబర్దస్త్ షోలు పునః ప్రారంభం!

తెలుగు ప్రేక్షకులకు సుపరిచితమైన జబర్దస్త్.. ఎక్స్‌ట్రా జబర్దస్త్ కామెడీ షోలు మూడు నెలలు కరోనా సెలవుల తర్వాత మళ్లీ షూటింగ్ ప్రారంభించాయి. లాక్‌డౌన్ కారణంగా టీవీ షోలు.. షూటింగ్స్ నిలిచిపోవడంతో జబర్దస్త్ ప్రసారం ఆపేసారు. ఇక ఈ షో మీద ఆధారపడి జీవిస్తున్న వందల మంది రోజువారీ కూలీలు ఉపాధి కోల్పోయారు. ప్రస్తుతం మళ్లీ టీవీ వర్కర్లకు మంచి రోజులు వచ్చాయని చెప్పొచ్చు. ఇటీవలే షూటింగ్‌లకు తెలంగాణ ప్రభుత్వం అనుమతి ఇవ్వడంతో సారథి స్టూడియోలో ‘జబర్దస్త్’ షూటింగ్ మొదలైపోయింది. ఈ విషయాన్ని యాంకర్ అనసూయ స్వయంగా సోషల్ మీడియా ద్వారా వెల్లడించింది. తను షూటింగులో పాల్గొని అనసూయ తన ఇన్‌స్టాగ్రామ్ పోస్ట్‌ చేసింది. అంతేకాదు ‘జబర్దస్త్’ వేదికపై చుక్కల గౌనుతో తీసుకున్న వీడియోను యానిమేటెడ్ జిఫ్ రూపంలో ఇన్‌స్టాగ్రామ్ పోస్ట్‌ చేసింది.

ఈ పోస్ట్ పెట్టి గత కొంతకాలంగా వినిపిస్తున్న పుకార్లకు అనసూయ చెక్ పెట్టేసింది. టీవీ షోలలో ‘జబర్దస్త్’ పాపులర్ షో అని తెలిసిందే. అయితే, లాక్‌డౌన్ కారణంగా లాస్ లో పడిపోయిందట. అనసూయ యాంకరింగ్ లో ఇప్పటికే కొన్ని ఎపిసోడ్లు చిత్రీకరించారట. రెగ్యులర్ టీం లీడర్లందరూ అందులో పాల్గొని వారి స్కిట్లు చేశారట. సాధ్యమైనంత వరకు అందరూ భౌతిక దూరం పాటిస్తూ.. ప్రభుత్వ నిబంధనల్ని అనుసరిస్తూ స్కిట్లు చేసినట్లు సమాచారం. ఇక లాక్ డౌన్ వల్ల కొన్ని నెలలుగా వైజాగ్‌లోనే ఉండిపోయిన రష్మి గౌతమ్ కూడా హైదరాబాద్ చేరుకుందట. రష్మీ కూడా ఎక్సట్రా జబర్దస్త్ షూటింగ్ లో పాల్గొందట. ఇక మరికొద్ది రోజులలో టీవీ ప్రేక్షకులకు ఇష్టమైన జబర్దస్త్ షోలు పునః ప్రారంభం కానున్నాయని అందరూ ఆనందం వ్యక్తం చేస్తున్నారు.