'మినీ సంక్రాంతి సీజ‌న్'ని ఏ మూవీ క్యాష్ చేసుకోనుందో..!

సంక్రాంతి పండుగ సీజన్ లో విడుదలైన సినిమాల కలెక్షన్స్ ఆశాజనకంగా ఉండటంతో టాలీవుడ్ లో వరుసపెట్టి సినిమాల రిలీజ్ డేట్స్ ప్రకటిస్తున్నారు. ఈ నేపథ్యంలో ఫిబ్ర‌వ‌రి నెలలో దాదాపుగా చిన్న చిత‌కా సినిమాలు క‌లుపుకుని 10 సినిమాలు థియేట‌ర్స్ లో విడుదల అవ్వ‌నున్నాయని తెలుస్తోంది. నిజానికి ఫిబ్ర‌వ‌రి నెల‌కి 'మినీ సంక్రాంతి సీజ‌న్' అనే పేరుంది. మార్చిలో ప‌రీక్ష‌లు క‌దా ఓ నెల రోజులు సినిమాల‌కి దూరంగా ఉందామ‌నుకునే వారంతా ఫిబ్ర‌వ‌రిలోనే సినిమాలు బాగుంటే చూడ‌టానికి ఆస‌క్తి చూపుతుంటారు. అయితే ఈసారి స‌రైన సినిమా ఒక్క‌టి కూడా విడుదల కావడం లేదనే కామెంట్స్ వినిపిస్తున్నాయి.

యూత్ స్టార్ నితిన్ - రకుల్ ప్రీత్ సింగ్ - ప్రియా ప్రకాష్ వారియర్ కలసి నటిస్తున్న 'చెక్' సినిమా ఫిబ్రవరి 19న రిలీజ్ అవుతోంది. ఈ మూవీ మీద కాస్తో కూస్తో హోప్స్ ఉన్నా చిత్ర యూనిట్ ఇంత‌వ‌రకు ఎలాంటి హైప్ తీసుకు రాలేదు. ఇక మెగా హీరో పంజా వైష్ణవ్ తేజ్ డెబ్యూ మూవీ 'ఉప్పెన' ఫిబ్రవరి 12న ప్రేక్షకుల ముందుకు వస్తోంది. ఇప్పటికే విడుదలైన సాంగ్స్ మంచి రెస్పాన్స్ తెచ్చుకోవడంతో ఈ చిత్రానికి యూత్ ఆడియన్స్ కనెక్ట్ అయ్యే అవకాశం ఉంది. కాకపోతే ఈ సినిమా యాంటీ క్లైమాక్స్ తో రాబోతుందనే టాక్ నడుస్తోంది. మ‌రి దాన్ని ఆడియెన్స్ ఎలా రిసీవ్ చేసుకుంటారో చూడాలి.

ఈ నెల‌లో మెద‌టగా రాబోతున్న సినిమా 'జాంబీ రెడ్డి'. ఫిబ్రవరి 5న రిలీజ్ అవుతున్న ఈ జాంబీల చిత్రం తెలుగు ఆడియెన్స్ కి కొత్త‌గా అనిపించ‌వ‌చ్చు. వీటితోపాటు అక్కినేని హీరో సుమంత్ నటించిన 'కపటధారి' అదే నెల 26న వస్తోంది. కన్నడ డబ్బింగ్ సినిమా 'పొగరు'.. ఆది సాయి కుమార్ 'శశి'.. జగపతిబాబు 'FCUK' సినిమాలు ఫిబ్రవరి 12న విడుదల అవుతున్నాయి. అలానే 'అక్షర' 'ఏ (ఎడి ఇంపీనిటమ్) వంటి సినిమాలు 26వ తేదీన రానున్నాయి. మరి ఈ సినిమాల్లో ఏవి ప్రేక్షకాదరణ పొందుతాయో చూడాలి.