టీనేజీ పిల్లాడివైపోతున్నావ్ అన్నయ్యా

ద‌శాబ్ధాల పాటు టాలీవుడ్ స‌హా సౌతిండ‌స్ట్రీలో టాప్ ఫైట్ మాస్ట‌ర్లుగా కొన‌సాగుతున్నారు `రామ్ ల‌క్ష్మ‌ణ్` క‌వ‌ల సోద‌రులు. బాలీవుడ్ లో స‌ల్మాన్ ఖాన్ స‌హా ప‌లువురు అగ్ర హీరోల సినిమాల‌కు ఫైట్స్ ని కొరియోగ్రాఫ్ చేశారు. టాలీవుడ్ లో మెగాస్టార్ చిరంజీవి- బాల‌కృష్ణ‌- వెంక‌టేష్‌- నాగార్జున స‌హా అంద‌రు స్టార్ల‌కు ప‌ని చేసారు. ఇక కెరీర్ ఆరంభంలో రామ్ ల‌క్ష్మ‌ణ్ ఆఫ్ ద స్క్రీన్ ప‌ని చేయ‌డానికే ఇష్ట‌ప‌డేవారు కానీ కెమెరా ముందుకు వ‌చ్చి మాట్లాడ‌డం చూసింది త‌క్కువే.

ఇంట‌ర్వ్యూలు కావాల‌ని మీడియా వెంట‌ప‌డినా మాట్లాడేందుకు సిగ్గుప‌డేవారు. పైగా మాట త‌డబాటు ఉండేది. భాష ప‌రంగా కూడా కొంత త‌డ‌బ‌డేవారు. కానీ ఇప్పుడు అలా కాదు. త‌మ‌ను ఏదైనా ఎగ్జ‌యిట్ చేస్తే అంద‌రికంటే ముందు మైక్ ముందుకు వ‌చ్చి నాన్ స్టాప్ గా మాట్లాడేస్తూ ఆశ్చ‌ర్య‌ప‌రుస్తున్నారు. ఆ ఇద్ద‌రు రామ‌ల‌క్ష్మ‌ణులేనా ఈ ఇద్ద‌రూ అనేంత‌గా షాకిస్తున్నారు. ఇటీవ‌ల రామ్ ల‌క్ష్మ‌ణ్ వ‌క్త‌ల్లా చెల‌రేగిపోతున్నారు.

తాజాగా `వాల్తేరు వీర‌య్య` సక్సెస్ మీట్ లో రామ్ ల‌క్ష్మ‌ణ్ సోద‌రులు మాట్లాడుతూ అన్న‌య్య‌ను ఆకాశానికెత్తేశారు. అత‌డు ఇప్ప‌టికీ టీనేజీ పిల్లాడైపోతున్నాడు! అంటూ ఆట‌పట్టించారు. అన్న‌య్య సినిమాలు చూసి పెరిగాం. ఈ ఇండ‌స్ట్రీలో ఇంత ఎదిగాం. థియేట‌ర్లో మాస్ వీరంగం చూపించారు. ఆడియెన్ ప‌గుల‌బ‌డి న‌వ్వుతున్నారు. సినిమాలో అన్న‌య్య కామెడీని అద్భుతంగా పండించారు. మెగాస్టార్ ఎప్ప‌టికీ అదే ఛామ్ తో యంగ్ గా క‌నిపించ‌డం ఆశ్చ‌ర్య‌ప‌రుస్తోంది! అంటూ కితాబిచ్చేశారు.

రామ్ ల‌క్ష్మ‌ణ్ ఇద్ద‌రూ గ‌తంలో ఎన్న‌డూ లేనంత ఎగ్జ‌యిట్ మెంట్ తో క‌నిపించారు. వాల్తేరు వీర‌య్య‌కు ఫైట్స్ స‌మ‌కూర్చే అవ‌కాశం క‌ల్పించిన బాబికి ధ‌న్య‌వాదాలు తెలిపారు. వాల్తేరు వీర‌య్య బ్లాక్ బ‌స్ట‌ర్ టాక్ తో ప్రారంభ‌మైనందుకు ఫైట్ మాస్ట‌ర్స్ రామ్ ల‌క్ష్మ‌ణ్ ఎంతో ఆనందం వ్య‌క్తం చేసారు. ఈ సినిమాలో అన్న‌య్య ఊర మాస్ లుక్ తో క‌నిపించారు.

జ‌నం తిరునాళ్ల‌లాగా వెళ్లండి.. ఆనందించండి! య‌ముడికి మొగుడు దొంగ మొగుడు దాన‌మ్మ మొగుడు! లాంటి సినిమా ఇది! అంటూ ఎగ్జ‌యిట్ మెంట్ ని ఆపుకోలేని క‌వ‌ల సోద‌రులు త‌మ అన్న‌య్య‌కు హ్యాట్సాఫ్ చెప్పారు. చిరు బాడీ లాంగ్వేజ్ తో కామిక్ టైమింగ్ తో పూన‌కాలు వచ్చాయ‌ని అన్నారు. అంతేకాదు ఈ సంక్రాంతి మైత్రి మూవీస్ సంక్రాంతి అంటూ రామ్ ల‌క్ష్మ‌ణ్ త‌మ నిర్మాత‌ల‌కు అద్భుత‌మైన కాంప్లిమెంట్లు ఇచ్చారు. వాల్తేరు వీర‌య్య ఈ శ‌నివారం ప్ర‌పంచ‌వ్యాప్తంగా థియేట‌ర్ల‌లో విడుద‌లైంది.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.