త్రిషను అలా కొట్టేశారేంటండీ

హాలీవుడ్ లో అయితే హీరోయిన్లు యాక్షన్ సన్నివేశాల్లో చేయడం మామూలే. కానీ మన దగ్గర అలాంటి సన్నివేశాలు చాలా అరుదు. ఒకవేళ అలాంటి సన్నివేశాల్లో నటించినా... పొడి పొడిగా ఫైట్లు చేయడమే తప్ప ఫుల్ లెంగ్త్ యాక్షన్ సీన్ లు చేయడం చాలా తక్కువ. ఇక హీరోయిన్లను ఫైట్లలో చితక్కొట్టేయడం కూడా అరుదుగా చూస్తుంటాం. అలా కొట్టడాన్ని చూసినా చాలా ఇబ్బందిగా ఉంటుంది మనకు. ఐతే కమల్ హాసన్ మాత్రం ఈ విషయంలో ఎలాంటి మొహమాటాలకు పోలేదు. ‘చీకటి రాజ్యం’ సినిమాలో త్రిషను చితకబాదేశాడు.

సినిమాలో కమల్ హాసన్ - త్రిషల మధ్య వచ్చే కిచెన్ ఫైట్ స్టన్నింగ్ అంటే స్టన్నింగ్ అనే చెప్పాలి. ఓ సౌత్ ఇండియన్ హీరోయిన్ ఎవర్నీ కూడా ఇలాంటి ఫైట్ లో మనం చూసి ఉండం. కరాటే చేస్తూ కమల్ ను కాళ్లతో పెనవేసి కింద పడేసే సీన్ లో త్రిష అదరగొట్టేసింది. ఇద్దరి మధ్య పెనుగులాట.. ఫైటింగ్ చాలా రియలిస్టిక్ గా ఉండేలా చిత్రీకరించారు. త్రిష నుంచి విడిపించుకున్నాక కమల్ ఆమెను చితక్కొట్టేస్తాడు. గోడలకేసి కొట్టడం.. ఎత్తి కుదెయ్యడం.. దబేల్ మని బాదడం.. అబ్బో సుకుమారి త్రిషను చాలా హార్ష్ గానే డీల్ చేస్తాడు కమల్. త్రిషను ఎప్పుడూ సాఫ్ట్ క్యారెక్టర్ లోనే చూసిన జనాలకు ఈ సన్నివేశాలు అదోలా అనిపిస్తాయి. ఈ సన్నివేశాలు చూస్తే త్రిష అభిమానుల మనసులు గాయపడ్డం ఖాయం.