దొంగ చేతివాటం.. అవాక్కైన ఫైట్ మాస్టర్

సినిమాలోని ఒక్కో స్టంట్ చూస్తే మనకు దడపుడుతుంది. అరే ఇంత బాగా హీరో కంపోజ్ చేశాడా అని మనం ఆశ్చర్యపోతాం. కానీ ఆ క్రెడిట్ హీరోది కాదు.. దాని వెనుక ఫైట్ కంపోజ్ చేసే ఫైట్ మాస్టర్లదీ.. అవును వారు సినిమా కోసం పడే తపన అంతా ఇంతా కాదు.. కేవలం హీరోలు ఆ షాట్ కు వచ్చి ఫైట్ మాస్టర్లు చెప్పింది చేసి వెళతారు. ఫైట్ మాస్టర్లు సినిమాల్లో విలన్లుగా మారి హీరోల చేతిలో దెబ్బలు తిన్నవారు కూడా ఉన్నారు. కానీ ఇప్పుడా ఫైట్ మాస్టర్లకే కష్టమొచ్చింది.. వారినే ఓ దొంగ భయపెడుతున్నాడు. ఇంతకీ ఆ దొంగ ఏం చేశాడో తెలుసా..?

ఇటీవల హైదరాబాద్ లో ఓ దొంగ ఏకంగా కార్లను టార్గెట్ చేసి అద్దాలు పగుల కొట్టి అందులోని విలువైన వస్తువులను ఎత్తుకెళుతున్నాడు. తాజాగా హైదరాబాద్ లోని కమలాపురి కాలనీకి చెందిన సినిమా ఫైట్ మాస్టర్ రాజేందర్ తన ఇంటి ఎదుట కారు పార్కింగ్ చేశాడు. ఓ దొంగ రాజేందర్ కారు అద్దాలు పగుల కొట్టి అందులోని రూ.20వేల నగదు బ్యాగ్ - మ్యూజిక్ ప్లేయర్ చోరీ చేశాడు. తెల్లవారి చూసేసరికి కారు అద్దాలు పగులకొట్టి ఉన్నాయి. అందులోని సొమ్మ మాయమయ్యే సరికి ఫైట్ మాస్టర్ రాజేందర్ తన అనుచరులతో కలిసి పోలీసులకు ఫిర్యాదు చేశాడు. సిసీ ఫుటేజీ ఆధారంగా దర్యాప్తు జరుపుతున్నట్లు పోలీసులు తెలిపారు.