న్యూడ్ ట్రెండ్... హీరోల‌కు ఏమైంది?

సినీ ఇండ‌స్ట్రీని న్యూడ్ ట్రెండ్ ఓ కుదుపు కుదిపేస్తోంది. వ‌రుస పెట్టి క్రేజీ హీరోలు న్యూడ్ గా ఫొటోల‌కు పోజులిస్తూ న్యూ ట్రెండ్ అంటూ వైర‌ల్ చేస్తున్ంనారు. దీంతో హీరోల‌కు ఏమైంది. హీరోయిన్ ల‌ని మించి న్యూడ్ ఫొటో షూట్ ల‌కు ఎందుకు రెడీ అవుతున్నారు.. ఇదే వేలం వెర్రి అంటూ నెటిజ‌న్ లు స‌ద‌రు హీరోల న్యూడ్ ట్రెండ్ పై మండి ప‌డుతున్నారు. వెర్స‌టైల్ డైరెక్ట‌ర్ పూరిజ‌గ‌న్నాథ్ రూపొందిస్తున్న యాక్ష‌న్ ఎంట‌ర్ టైన‌ర్ 'లైగ‌ర్' లోని ఓ సీన్ కోసం రౌడీ స్టార్‌ విజ‌య్ దేవ‌ర‌కొండ పూల బొకేని అడ్డుపెట్టుకుని న్యూడ్ గా క‌నిపించ‌డం సంల‌చ‌నం సృష్టించింది.

ఇందుకు సంబంధించిన ఫొటోలు ఇంట‌ర్నెట్ ని ఓ రేంజ్ లో షేక్ చేశాయి. ఈ ఫొటోల‌పై టాలీవుడ్ హీరోయిన్ లు అనుష్క‌, స‌మంత‌, ర‌ష్మిక మంద‌న్న హాట్ కామెంట్ లు చేశారు. నెటిజ‌న్ ల నుంచి కూడా విజ‌య్ దేవ‌ర‌కొండ న్యూడ్ ఫొటోల‌పై విమ‌ర్శ‌లు వినిపించాయి. కొంత మంది ప్ర‌శంసించారు కూడా. ఇది మ‌ర్చిపోక‌ముందే. విజ‌య్ దేవ‌ర‌కొండ‌ని మ‌రిపించాల‌నో లేక అంత‌కు మించి నెట్టింట వైర‌ల్ కావాల‌నో తెలియ‌దు కానీ బాలీవుడ్ హీరో ర‌ణ్ వీర్ సింగ్‌.. న్యూడ్ గా ఫొటో షూట్ లో పాల్గొన్నాడు. అవి కూడా నెట్టింట వైర‌ల్ గా మారి ఇంట‌ర్నెట్ ని షేక్ చేశాయి. అయితే ర‌ణ్ వీర్ కు ప్ర‌శంస‌ల కంటే విమ‌ర్శ‌లే ఎక్కువ‌గా ఎదుర‌య్యాయి.

ఒంటిపై నూలు పోగు లేకుండా ర‌ణ్ వీర్ ఫొటో షూట్ ల‌కు పోజులివ్వ‌డంపై నెటిజ‌న్ లు ఓ రేంజ్ లో ఫైర్ అయ్యారు. అమ్మాయిల‌ని చూసి త‌ను కూడా అలా చేయాల‌ని ఇలా న్యూడ్ ఫొటో షూట్ చేశాడా? అని మండి ప‌డ్డారు. ఓ న‌టి ఏకంగా ర‌ణ్ వీర్ ని సోష‌ల్ మీడియా వేదిక‌గా ఏకి పారేసింది. ఇక నిత్యం న్యూడ్ ఫొటో షూట్ ల‌కు కేరాఫ్ అడ్ర‌స్ గా నిలిచిన పూన‌మ్ పాండే కూడా ర‌ణ్‌ వీర్ పై విరుచుకుప‌డింది. న్యూడ్ ఫొటో షూట్ తో న‌న్నే మించిపోయావ్ అంటూ ఘాటుగా స్పందించింది.

ఇక స్వ‌ర భాస్క‌ర్ మ‌రింత ఘాటు వ్యాఖ్య‌లు చేసింది. నైతికంగా దిగ‌జారాడంటూ బోల్డ్ కామెంట్ లు చేసింది. ఇది మ‌రువ‌క ముందే మ‌రో స్టార్ విష్ణ విశాల్ ర‌ణ్ వీర్ త‌ర‌హాలోనే న‌గ్న ఫొటోల‌ని సోష‌ల్ మీడియాలో అభిమానుల‌తో పంచుకున్నారు. నేను కూడా ఈ ట్రెండ్ లో జాయిన్ అవుతున్నా అంటూనే ఈ ఫొటోల కోసం త‌న భార్య గుత్తాజ్వాల ఫొటో గ్రాఫ‌ర్ గా మారింద‌ని త‌ను షేర్ చేసిన ఫొటోల‌కు ఈమెంట్ జ‌త చేశాడు. దీనిపై కూడా నెటిజ‌న్స్ దారుణంగా ట్రోల్ చేశారు. నా స్నేహితుడికి గంట క్రిత‌మే నీ సినిమా చూడ‌మ‌ని చెప్పా ట్రెండింగ్ కోసం ఇంత‌గా దిగ‌జారుతావ‌నుకోలేదు అంటూ ఓ నెటిజ‌న్ నేరుగా మండిప‌డ్డాడు.

ఇదిలా వుంటే తాజాగా సింగర్‌ గీతా మాధురి భ‌ర్త‌, యంగ్ హీరో నందు కూడా ఈ ట్రెండ్ లో కి ఎంట‌ర‌య్యాడు. న్యూడ్ పోజ్ తో ఫొటోల‌ని నెట్టింట షేర్ చేశాడు. 'ర‌ణ్ వీర్ సింగ్ ట్రెండ్ లో నేనూ జాయిన్ అయ్యా' అంటూ క‌న్ను గీటుతున్న ఎమెజీని షేర్ చేశాడు నందు. సిక్స్ ప్యాక్ బాడీని చూపిస్తూ అడ్డంగా ట‌ర్కీ ట‌వ‌ల్ చుట్టుకుని నందూ విండో గ్లాస్ ప‌క్క‌న నిల‌బ‌డి పోజులిచ్చాడు.

దీనిపై కూడా నెట్టింట జోరుగా కామెంట్స్ ప‌డుతున్నాయి. .. ఏంటీ న్యూడ్ ట్రెండ్‌.. వేలం వెర్రిగా ఎందుకు ఫాలో అవుతున్నారంటూ నెటిజ‌న్ లు మండి ప‌డుతున్నారు. ఏదైనా ప‌నికొచ్చే స‌ని చేయండి కానీ ఇలా బ‌ట్ట‌లూడ‌దీసుకుని ట్రెండ్ అంటారెంట్రా బాబూ.. ఏంటీ చండాలం..అంటూ నెటిజ‌న్ లు మండి ప‌డుతున్నారు.