ఫైన‌ల్ గా హిందీ రిలీజ్ పై క్లారిటీ ఇచ్చారు!

ఈ మ‌ధ్య మెగా స్టార్ చిరంజీవి మెగా ఫ్యాన్స్ ని ఆశించిన స్థాయిలో సంతృప్తి ప‌ర‌చ‌లేక‌పోతున్నారు. 'ఆచార్య‌' డిజాస్ట‌ర్ తో మెగా ఫ్యాన్స్ చాలా డిజాప్పాయింట్ కు గుర‌య్యారు. త‌రువాత సినిమాతో అయినా గ‌ట్టిగా రీసౌండ్ ఇచ్చే బ్లాక్ బ‌స్ట‌ర్ ని కొట్టాల‌ని ఎంతో ఆశ‌గా ఎదురుచూస్తున్న వాళ్లకు అడుగ‌డుగునా అడ్డంకులే ఎదుర‌వుతున్నాయి. 'ఆచార్య‌' త‌రువాత మెగాస్టార్ చిరంజీవి బ్యాక్ టు బ్యాక్ మూవీ క్రేజీ ప్రాజెక్ట్ ల‌లో న‌టిస్తున్న విష‌యం తెలిసిందే.

ఇందులో 'గాడ్ ఫాద‌ర్‌' ముందుగా ప్రేక్ష‌కుల ముందుకు రాబోతోంది. మ‌ల‌యాళంలో సూప‌ర్ స్టార్ మోహ‌న్ లాల్ న‌టించ‌డా హీరో పృథ్వీరాజ్ సుకుమార‌న్ డైరెక్ట్ చేసిన‌ హిట్ ఫిల్మ్ 'లూసీఫర్' ఆధారంగా ఈ మూవీ ని రీమేక్ చేస్తున్నారు. మోహ‌న్ రాజా ద‌ర్శ‌క‌త్వం వ‌హిస్తున్న ఈ మూవీని అత్యంత భారీ స్థాయిలో ద‌స‌రాకు ప్రేక్ష‌కుల ముందుకు తీసుకురావాల‌ని మేక‌ర్స్ ప్లాన్ చేస్తున్న విష‌యం తెలిసిందే. అయితే రీసెంట్ గా విడుద‌ల చేసిన టీజ‌ర్‌, ఫ‌స్ట్ లిరిక‌ల్ వీడియో ఫ్యాన్స్ ని తీవ్ర నిరాశ‌కు గురిచేశాయి.

టీజ‌ర్ కు త‌మ‌న్ అందించిన సంగీతం కాపీ అంటూ నెట్టింట పెద్ద దుమార‌మే చెల‌రేగింది. వ‌రుణ్ తేజ్ న‌టించిన 'గ‌ని' బ్యాగ్రౌండ్ స్కోర్ ని యాజిటీజ్ గా త‌మ‌న్ గాడ్ ఫాద‌ర్ కు వాడేశాడంటూ మెగా ఫ్యాన్స్, నెటిజ‌న్ లు త‌మ‌న్ ని ఓరేంజ్ లో ఆడేసుకున్నారు. ఇక ఈ మూవీలో చిరుకు పాట‌లు, హీరోయిన్ లేక‌పోవ‌డంతో స్పెష‌ల్ సాంగ్ ని స‌ల్మాన్ ఖాన్‌, చిరుపై షూట్ చేశారు. అయితే పార్టీ సాంగ్ గా ప్ర‌భుదేవా ప్ర‌త్యేకంగా డ్యాన్స్ కంపోజ్ చేసిన 'తార్ మార్ త‌క్క‌ర్ మార్‌..' లిరిక‌ల్ వీడియో రిలీజ్ చేస్తార‌ని ఫ్యాన్స్ ఆస‌క్తిగా ఎదురుచూస్తే ఆడియో సాంగ్ ని రిలీజ్ చేసి మేక‌ర్స్ షాకిచ్చారు.

ఇక చోటా మోటా హీరోలు కూడా ఈ మ‌ధ్య పాన్ ఇండియా మూవీ అని హ‌డావిడీ చేస్తున్న వేళ చిరు మాత్రం త‌న సినిమాల‌ని తెలుగులోనే రిల‌జ్ చేస్తుండ‌టం కూడా ఫ్యాన్స్ ని ఇబ్బందికి గురిచేస్తోంది. 'గాడ్ ఫాద‌ర్‌' కూడా కేవ‌లం తెలుగుకే పరిమితం అనే సంకేతాలు వినిపించాయి.

దీంతో ఈ విష‌యంలో తీవ్ర అసంతృప్తితో వున్న ఫ్యాన్స్ కు మేక‌ర్స్ నుంచి గుడ్ న్యూస్ వినిపించింది. ఈ సినిమాలో బాలీవుడ్ స్టార్ స‌ల్మాన్ ఖాన్ కీల‌క అతిథి పాత్ర‌లో న‌టించ‌డంతో ఈ మూవీని హిందీలోనూ రిలీజ్ చేస్తున్నామంటై మేక‌ర్స్ ఫైన‌ల్ గా ప్ర‌క‌టించారు.

ఈ మూవీ హిందీ థియేట్రిక‌ల్ హ‌క్కుల్ని సూప‌ర్ క్ల‌స్ట‌ర్ ప్రొడ‌క్ష‌న్ ప్రైవేట్ లిమిటెడ్ సొంతం చేసుకుంద‌ని, అంతే కాకుండా ఈ మూవీని హిందీలో జైవిరాట్ర ఎంట‌ర్ టైన్ మెంట్ దేశ వ్యాప్తంగా ఈ మూవీని రిలీజ్ చేస్తుంద‌ని వెల్ల‌డించారు. దీంతో హిందీలో 'గాడ్ ఫాద‌ర్‌' రిలీజ్ లేదా? అంటూ గ‌త కొన్ని రోజులుగా ఫీల‌వుతున్న మెగా ఫ్యాన్స్ ఈ వార్త విని హ్యాపీ ఫీల‌వుతున్నార‌ట‌.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.