ఎట్టకేలకు అవకాశం దక్కించుకుంది.. మళ్లీ ఆయనే!

టాలీవుడ్‌ నుండి బాలీవుడ్‌ కు వెళ్లిన ఇలియాన ప్రస్తుతం అక్కడ ఇక్కడ ఎక్కడ కూడా ఆశించిన స్థాయిలో ఆఫర్లు దక్కించుకోలేక పోయింది. మనసు చంపుకుని సౌత్‌ సినిమాల్లో నటించాలని భావించినా కూడా ఈమెకు ఇక్కడ ఆఫర్లు ఇస్తున్న వారు లేరు. దాంతో మళ్లీ తనకు ఉన్న పరిచయాలతో బాలీవుడ్‌ లోనే ప్రయత్నాలు చేస్తోంది. గతంలో రెండు సార్లు ఇలియానా కష్టాల్లో ఉన్న సమయంలో అజయ్‌ దేవగన్‌ ఆఫర్లు ఇచ్చాడు. ఇప్పటికే రెండు సార్లు ఆయనతో నటించిన ఇలియానా మరోసారి ఆయన నుండి ఆఫర్‌ ను అందుకుంది.

ఇలియానా బాలీవుడ్‌ లో ఆఫర్ల కోసం ఎదురు చూస్తున్న ఈ సమయంలో అజయ్ దేవగన్ తన డిజిటల్‌ ఎంట్రీ ప్రాజెక్ట్ లో అవకాశం ఇచ్చాడని మీడియా వర్గాల ద్వారా సమాచారం అందుతోంది. సినిమా లకు ఏమాత్రం తగ్గకుండా ప్రస్తుతం డిజిటల్ మార్కెట్‌ విస్తరించింది. కనుక వరుసగా ఓటీటీ సినిమాలు మరియు వెబ్‌ సిరీస్‌ లను స్టార్‌ లు చేసేందుకు ఆసక్తిగా ఉన్నారు. అజయ్‌ దేవగన్ తన మొదటి రుద్ర అనే థ్రిల్లర్‌ ప్రాజెక్ట్‌ ను ప్రేక్షకుల ముందుకు తీసుకు వచ్చేందుకు సిద్దం అయ్యాడు.

రుద్రలో కీలక పాత్ర లో ఇలియానాను నటింపజేస్తున్నట్లుగా తెలుస్తోంది. అజయ్ దేవగన్ తో ఆమెకు ఉన్న సన్నిహిత సంబంధాల కారణంగానే ఈ ఆఫర్‌ వచ్చినట్లుగా చెబుతున్నారు. ఇలియానా మరియు అజయ్ దేవగన్‌ ల జోడీ కి సక్సెస్‌ పెయిర్ గా గుర్తింపు ఉంది. మరి రుద్ర తో మరోసారి వీరిద్దరు సక్సెస్‌ ను దక్కించుకుంటారా అనేది చూడాలి. ఈ ప్రాజెక్ట్‌ సక్సెస్‌ అయితేనే ఇలియానాకు బాలీవుడ్‌ లో మరిన్ని ఆఫర్లు వస్తాయని విశ్లేషకులు అభిప్రాయం వ్యక్తం చేస్తున్నారు. మరి ఈ ఆఫర్‌ ను ఇలియానా వినియోగించుకునేనా చూడాలి.