దగ్గుబాటి హీరో వెబ్ సిరీస్ లుక్ ఇదే

బాహుబలి సిరీస్ సంచలనాలు.. ఆ మధ్యలో ఘాజీ.. రీసెంట్ గా నేనే రాజు నేనే మంత్రి సక్సెస్.. ఇవన్నీ కలిపి దగ్గుబాటి హీరో రేంజ్ ను మార్చేశాయి. అన్ స్టాపబుల్ అన్న రీతిలో దూసుకుపోతున్నాడు రానా. ఇప్పటికే నెంబర్ వన్ యారీ విత్ రానా అంటూ టీవీ షో కూడా చేస్తున్న రానా.. రేటింగ్ విషయంలో దాన్ని నెంబర్ 1 స్థాయికి చేర్చేశాడు.

ఇప్పుడు మరో విజువల్ మీడియా అయిన వెబ్ సిరీస్ లో కూడా రానా నటించేస్తున్నాడు. సోషల్ అనే వెబ్ సిరీస్ లో కనిపించనున్నాడు రానా. మిలీనియల్స్ పై సోషల్ మీడియా ఎఫెక్ట్ అనే థీమ్ పై ఈ వెబ్ సిరీస్ రూపొందగా.. థ్రిల్లర్ జోనర్ లో దీన్ని తెరకెక్కిస్తున్నారు. ఒక్క క్లిక్ జీవితాలనే ఎలా మార్చేస్తుందనే అంశాన్ని ఈ వెబ్ సిరీస్ లో చూపనుండగా.. తాజాగా ఈ వెబ్ సిరీస్ సోషల్ కు ఫస్ట్ లుక్ రిలీజ్ చేశారు. లుక్ విషయంలో పెద్దగా తేడా లేకపోయినా.. ఇంటెన్సిటీ చూపించడంలో మాత్రం రానా భలే సక్సెస్ అయ్యాడని చెప్పాలి. డిజిటల్ ప్లాట్ ఫాంతో తన మొదటి అనుబంధం ఈ వెబ్ సిరీస్ అంటూ.. ఫస్ట్ లుక్ లాంఛ్ సందర్భంగా చెప్పాడు రానా.

సెప్టెంబర్ 8న ఈ సోషల్ వెబ్ సిరీస్ లాంఛ్ కానుండగా.. మొత్తం 13 ఎపిసోడ్స్ గా ఈ సిరీస్ ఉంటుందని నరి్మాతలు చెబుతున్నారు. వాక్డ్ ఔట్ మీడియా.. గురు ఫిలిమ్స్ లు కలిపి నిర్మించిన ఈ సోషల్ లో నవీన్ కస్తూరియా నటిస్తుండగా.. శశి సుడిగాల దర్శకత్వంలో ఈ వెబ్ సిరీస్ రూపొందింది.