సేం టు సేం ..ఏం చేద్దామని ?

గతేడాది కోలీవుడ్ లో బ్లాక్ బస్టర్ గా నిలిచిన ధనుష్ సినిమాను తెలుగులో రీమేక్ చేస్తున్నాడు వెంకీ. ఈ సినిమాకు సంబంధించి నిన్న రాత్రి కొన్ని స్టిల్స్ తో నారప్ప అనే టైటిల్ అనౌన్స్ చేసి పోస్టర్స్ వదిలారు. అయితే ఈ ఫస్ట్ లుక్స్ లో వెంకటేష్ ధనుష్ ని గుర్తుచేసాడు. అవును అచ్చు గుద్దినట్టు ధనుష్ నే ఫాలో అవుతూ అదే లుక్ లో కనిపించాడు దగ్గుబాటి హీరో.

నిజానికి శ్రీకాంత్ అడ్డాల డైరెక్ట్ చేస్తున్న ఈ సినిమాలో వెంకీ లుక్ ఎలా ఉండబోతుందా అని ఎంతో ఆతృతగా ఎదురుచూసిన వారందరికీ అసురన్ ని గుడ్డిగా ఫాలో అవుతున్నారనే విషయాన్ని తెలియజేస్తూ పోస్టర్స్ వదిలారు. కొన్ని పోస్టర్స్ కూడా అక్కడి నుండి తీసుకొని డిజైన్ చేసినట్టు అనిపిస్తుంది. ఇక సినిమాకు నారప్ప అనే టైటిల్ పవర్ ఫుల్ గా ఉన్నప్పటికీ ఎందుకో అది కూడా తమిళ్ ఫ్లేవర్ నే గుర్తుచేసేలా ఉంది. ఒక్క ముక్క లో చెప్పాలంటే వెంకటేష్ మినహా మిగతాదంతా తమిళ్ సినిమానే గుర్తు చేశాయి.

అయితే ఈ టైటిల్ తో ఈ లుక్ తో వెంకీ మన ప్రేక్షకులను మెప్పిస్తాడా లేదా అనేది ఇప్పుడు అందరిలో కలుగుతున్న సందేహం. ఇక లుక్ పరంగా మాత్రం మాస్ గా కనిపిస్తూ ఎట్రాక్ట్ చేస్తున్నాడు వెంకీ. కలైపులి థాను తో ఈ సినిమాను నిర్మిస్తున్నాడు సురేష్ బాబు. అనంతపురంలో రెగ్యులర్ షూటింగ్ మొదలైంది.