జై బాలయ్య పాట లాంచ్ డేట్ ఇదే

నందమూరి బాలకృష్ణ నటిస్తున్న‌ `వీరసింహారెడ్డి` థియేటర్లలోకి వచ్చేందుకు సిద్ధమవుతోంది. స‌మ‌ర సింహారెడ్డి- న‌ర‌సింహారెడ్డి కోవ‌లో ఈ సినిమా కూడా అదే సౌండింగ్ తో పెద్ద రేంజులో బాక్సాఫీస్ వ‌ద్ద‌ సౌండ్ చేయ‌బోతోంద‌ని అభిమానులు భావిస్తున్నారు. ప్రస్తుతం ఈ సినిమా పెండింగ్ షూటింగ్ హైదరాబాద్ లో జరుగుతోంది. గోపీచంద్ మలినేని దర్శకత్వంలో ఈ చిత్రాన్ని మైత్రీ మూవీ మేకర్స్ నిర్మిస్తున్నారు.

నిర్మాతలు మ్యూజికల్ ప్రమోషన్స్ ప్రారంభించనున్నారు. ఈ చిత్రం నుండి మొదటి సింగిల్ ``జై బాలయ్య`` నవంబర్ 25 న విడుదల కానుంది.

థమన్ స్వరపరిచిన ఈ పాట ``రాజసం నీ ఇంటి పేరు`` అనే పదంతో ప్రారంభమవుతుంది. తాజా పోస్టర్ లో బాలకృష్ణ స్మైలీ లుక్ లో కనిపిస్తున్నారు. వైట్ అండ్ వైట్ లో సన్ గ్లాసెస్ ధరించి ట్రాక్టర్ నడుపుతున్నాడు. పొలంలో స‌హ‌చ‌రులు అతనిని అనుసరిస్తున్నారు.

బాలకృష్ణ సరసన ఈ చిత్రంలో శృతి హాసన్ కథానాయికగా నటిస్తోంది. మైత్రి మూవీ మేక‌ర్స్ ప‌తాకంపై నవీన్ యెర్నేని- వై రవిశంకర్ నిర్మిస్తున్నారు. `వీరసింహారెడ్డి` 2023 సంక్రాంతికి ప్రపంచవ్యాప్తంగా విడుదల కానుంది. ప్ర‌స్తుతం ట్రాక్ట‌ర్ పై బాల‌య్య లుక్ ని అభిమానులు వైర‌ల్ గా షేర్ చేస్తున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.