వాట్స్ ద ఫి.. ష్... వెంకట్

ఫిష్ వెంకట్.. ఇతగాడు నెగిటివ్ పాత్రల్లో కూడా చేసినా కామెడీ పాత్రల్లోనే బాగా గుర్తుండిపోయడు జనాలకు. ముఖ్యంగా గబ్బర్ సింగ్ తర్వాత వెంకట్ కి ఓ రేంజ్ క్రేజ్ వచ్చేసింది. సుబ్రమణ్యం ఫర్ సేల్ మూవీలో.. వెంకట్ కామెడీ ఇరగదీశాడు. ముఖ్యంగా చెప్పుకోవాలంటే.. సింపుల్ ఇంగ్లీష్ మాటలతో కుమ్మేశాడు.

గొంతులో సహజంగానే కాస్త జీర ధ్వనించే వెంకట్.. భారీ పర్సనాలిటీ కామెడీ రౌడీ కేరక్టర్ లలో జీవించేస్తున్నాడు. ఇప్పటికే సుబ్రమణ్యం ఫర్ సేల్ కి సూపర్ హిట్ టాక్ రావడంతో.. బ్లాక్ బస్టర్ గా మార్చేందుకు ఒక్కో ఆయుధాన్ని వదులుతున్నాడు హరీష్ శంకర్. ఆ ప్రమోషన్ లో భాగంగా ఇప్పుడు ఫిష్ వెంకట్ ఇంగ్లీష్ డైలాగులతో ఒక ట్రైలర్ కట్ చేశాడు. టీవీల్లో కనిపిస్తున్న ఈ ట్రైలర్ కి రెస్పాన్స్ అదిరిపోయింది.

ప్రధానంగా.. వాట్సాప్ అంటే ఏంట్రా అంటే.. అన్నా వాట్స్.. ద.. ఫ.... అంటూ ఇబ్బందిగా చెప్పే డైలాగ్ కి విపరీతమైన స్పందన వస్తోంది. ఇక్కడ చెప్పుకోవాల్సింది ఏంటంటే.. వెంకట్ లాంటి ఓ కమెడియన్ డైలాగ్స్ తో మొత్తం టీజర్ కట్ చేయడం. బ్రహ్మానందం - ఎంఎస్ ల తర్వాత.. ఇలా ఓ సినిమాకి సంబంధించి ట్రైలర్ లో కమెడియన్ తో ఇవ్వడం ఇదే. చూస్తుంటే ఫిష్ వెంకట్ కి మంచి రోజులు వచ్చేట్లుగానే ఉన్నాయి.