పంచభూతాల కోసం ఐదుగురు సింగర్స్

ప్రస్తుతం టాలీవుడ్ హీరోలు ఎవరు ఎలా వెళుతున్నా కూడా బెల్లకొండ వారసుడు శ్రీనివాస్ మాత్రం చాలా డిఫెరెంట్ గా పరిగెడుతున్నాడనే చెప్పాలి. మాస్ హీరోగా గుర్తింపు తెచ్చుకోవడానికి అతను చేస్తున్న ప్రయత్నాలకు హైప్ బాగానే క్రియేట్ అవుతుంది గాని నిర్మాతలకు లాభాలు మాత్రం పెద్దగా రావడం లేదు. అలా అని బడ్జెట్ లో పెద్దగా తేడా రావడం లేదు. పెట్టేది పెడుతూనే ఉన్నారు. టెక్నీషియన్స్ విషయంలో కూడా బెల్లం వారు తగ్గడం లేదు.

ప్రస్తుతం శ్రీనివాస్ సాక్ష్యం అనే సినిమాలో నటిస్తున్న సంగతి తెలిసిందే. శ్రీవాస్ దర్శకత్వంలో పంచభూతాలు అనే ఆసక్తికరమైన పాయింట్ తో సాక్ష్యం తెరకెక్కుతోంది. ఇప్పటికే షూటింగ్ కూడా ఎండింగ్ లోకి వచ్చేసింది . ఇక మ్యూజిక్ పనులు ఎండ్ చేసే పనిలో ఉన్నారు. ఈ సినిమాకు హర్షవర్ధన్ రామేశ్వరం సంగీతం అందిస్తున్నాడు. అసలు మ్యాటర్ ఏంటంటే ఈ సినిమాలో అయిదు గురు ప్రముఖ సింగర్స్ తో ఓక పాట పాడిస్తున్నారట.

పంచభూతాల గురించి వివరించాలని ఎస్పి బాలసుబ్రమణ్యం - ఏసుదాస్ - హరిహరన్ - కైలాష్ ఖేర్ - బాంబే జయశ్రీ వంటి టాప్ సింగర్స్ ని తీసుకొని సాంగ్ ని పాడించారట. ఆ పాట సినిమాలో హైలెట్ గా నిలుస్తుందని చిత్ర యూనిట్ ద్వారా తెలుస్తోంది. ఇక ఈ సినిమాలో బెల్లంకొండ శ్రీనివాస్ సరసన పూజా హెగ్డే హీరోయిన్ గా నటిస్తున్న సంగతి తెలిసిందే.