డిజిటల్ రికార్డులు బ్రేక్ చేస్తున్న ప్లాప్ మూవీ..!

సినీ ఇండస్ట్రీలో ఎప్పుడు ఏ సినిమా ఎలాంటి రికార్డులు బద్దలు కొడుతుందో ఎవరూ ఊహించలేరు. ఎందుకంటే బాక్సాఫీస్ వద్ద ప్లాప్ అవుతాయని అనుకున్న సినిమాలు.. టీవీలో సక్సెస్ అవ్వొచ్చు లేదా అసలు అంచనాలే లేని సినిమాలు రికార్డులు సెట్ చేయొచ్చు. మరి ఇండస్ట్రీలో అలాంటి అద్భుతాలు జరుగుతూనే ఉంటాయి. అసలు బాలేదు.. డిజాస్టర్ అనేసి తీసిపారేసిన ఓ సినిమా ఇప్పుడు ఓటిటిలో, టీవీలో దుమ్మురేపుతోంది. అదికూడా ఓ రీమేక్ సినిమా కావడం అందులోను ప్లాప్ టాక్ తెచ్చుకున్న సినిమా రికార్డు బ్రేక్ చేయడం విశేషం. ఆ సినిమా ఏదో కాదు బాలీవుడ్ స్టార్ హీరో అక్షయ్ కుమార్ హీరోగా గతేడాది విడుదలైన 'లక్ష్మి' మూవీ. లాక్ డౌన్ కారణంగా డిస్నీ ప్లస్ హాట్ స్టార్ లో డిజిటల్ రిలీజ్ అయిన ఈ సినిమా ఫస్ట్ డే నుండి ప్లాప్ టాక్ సొంతం చేసుకుంది.

అలాగే ఈ సినిమాకు సంబంధించిన రివ్యూలు కూడా నెగటివ్ రావడంతో సినిమా పై హోప్స్ వదిలేసుకున్నారు మేకర్స్. అయితే ఈ సినిమా ప్లాప్ టాక్ తో కూడా ఎన్నడూ లేనివిధంగా రికార్డులు సృష్టించడమే గమనార్హం. ఈ సినిమా మార్చ్ 21న స్టార్ గోల్డ్ ఛానల్లో ప్రసారమై అప్పటివరకు సెట్ అయిన టీవీ ఛానల్ రికార్డులను హైయెస్ట్ టిఆర్పి రేటింగ్ తో బ్రేక్ చేసింది. అంతేగాక లక్ష్మి సినిమా ప్రీమియర్ షో 2.51కోట్ల వ్యూయర్ షిప్ తో హైయెస్ట్ ప్రీమియర్ రికార్డు సెట్ చేసింది. ఈ సినిమా గ్రామీణ, పట్టణ ప్రాంతాల్లో కూడా 2.50కోట్లకు పైగా వ్యూస్ తో పాటు అద్భుతమైన టిఆర్పి రేటింగ్ సొంతం చేసుకోవడంతో బాలీవుడ్ రికార్డులన్ని చిన్నబోయాయట. మరి అక్షయ్ కెరీర్లోనే అత్యంత వరస్ట్ మూవీ అని రాసిన రివ్యూలకు ఇదొక చెంపపెట్టు అని అక్షయ్ ఫ్యాన్స్ చెబుతున్నారు. ఈ సినిమాకు ఒరిజినల్ డైరెక్టర్ రాఘవ లారెన్స్ దర్శకత్వం వహించాడు.