మహేష్‌ కు 'వారసుడు' చెప్పనే లేదట!

తమిళ్‌ సూపర్ స్టార్‌ విజయ్ హీరోగా తెలుగు దర్శకుడు వంశీ పైడిపల్లి దర్శకత్వంలో దిల్ రాజు నిర్మించిన వారిసు/వారసుడు సినిమా భారీ వసూళ్లను సాధిస్తూ దూసుకు పోతుంది. మొదటి వారాంతంలోనే ఈ సినిమా ఏకంగా రూ.180 కోట్లను వసూళ్లు చేయడం సంచలనంగా మారింది.

తెలుగు లో మాత్రం వారసుడు సినిమాను ట్రోల్స్ చేస్తున్నారు.. బ్యాడ్ రివ్యూలు వచ్చాయి. వారసుడు ట్రైలర్ విడుదల అయినప్పటి నుండే గతంలో వచ్చిన కొన్ని సినిమాల తరహాలో కథ ఉంది అంటూ పోలుస్తూ ట్రోల్స్ చేయడం జరిగింది. సినిమా విడుదల తర్వాత కూడా వారసుడును కొందరు తీవ్రంగా విమర్శిస్తూ సోషల్‌ మీడియాలో కామెంట్స్ చేశారు.

ఒక వైపు తెలుగు రాష్ట్రాల్లో విమర్శలు ఎదుర్కొంటున్న ఈ సినిమా తమిళనాట మాత్రం భారీగా కలెక్షన్స్ ను రాబడుతోంది. తెలుగు లో మొదట ఈ సినిమా ను మహేష్ బాబుతో చేయాలని దర్శకుడు వంశీ భావించాడని... కానీ మహేష్ బాబుకు కథ నచ్చక పోవడంతో వీరిద్దరి కాంబోలో సినిమా వర్కౌట్‌ అవ్వలేదని ఈ సమయంలో నెటింట ప్రచారం జరుగుతోంది.

తమిళనాట భారీ ఎత్తున వసూళ్లు వస్తున్న నేపథ్యంలో దర్శకుడు వంశీ పైడిపల్లి ఆనందం వ్యక్తం చేస్తూ ఆసక్తికర వ్యాఖ్యలు చేశాడు. చాలా మంది ప్రచారం చేస్తున్నట్లుగా ఈ సినిమా కథను నేను మహేష్ బాబుకు చెప్పలేదు. మహర్షి తర్వాత మహేష్ బాబుకు కథ చెప్పిన విషయం వాస్తవం.. కానీ అది వారసుడు కాదు అంటూ తేల్చి చెప్పాడు.

కథ చెప్పిన సమయంలోనే మహేష్‌ బాబుకు ఉన్న కమిట్‌మెంట్స్ కారణంగా చాలా ఆలస్యం అవుతుందనే ఉద్దేశ్యంతో మరో కథతో విజయ్ ను సంప్రదించడం.. ఆయన వారిసు కు ఓకే చెప్పడం జరిగింది అన్నట్లుగా వంశీ పైడిపల్లి క్లారిటీ ఇచ్చాడు. మహేష్ బాబు కు గతంలో చెప్పిన కథతో వంశీ పైడిపల్లి భవిష్యత్తులో అయినా సినిమా చేస్తాడేమో చూడాలి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.