ఒకే చోట ఆ నలుగురు రాణులు

ఒక సినిమాలో ఇద్దరు హీరోయిన్స్ కనిపించడం వింతేమీ కాదు. కొన్నిసార్లు ముగ్గురేసి భామలు కూడా సందడి చేస్తుంటారు. అలాగని అందరూ ఒకేచోట షూటింగ్ చేసే సందర్భాలు తక్కువగా ఉంటాయి. కానీ ఇప్పుడు అలాంటి ఓ విచిత్రమైన సంఘఠన చోటు చేసుకుంటోంది.

బాలీవుడ్ క్వీన్ ను సౌత్ లోని నాలుగు భాషల్లో రీమేక్ చేస్తున్న సంగతి తెలిసిందే. తెలుగు.. తమిళ్.. కన్నడ.. మలయాళ భాషల్లో రూపొందుతున్న ఈ చిత్రాన్ని దేనికదే నిర్మిస్తున్నారు. తెలుగులో తమన్నా.. తమిళ్ లో కాజల్.. మలయాళంలో మంజిమా మోహన్.. కన్నడలో పరుల్ యాదవ్ లు క్వీన్ లుగా నటిస్తున్నారు. ఇప్పుడీ నలుగురు క్వీన్ లు కలిసి ఒకేచోట షూటింగ్ చేయబోతున్నారు. ఫ్రాన్స్ లో ఒకే ప్రాంతంలో ఈ నలుగురు రాణులపై షూటింగ్స్ జరగబోతున్నాయి. అందరికీ అకామడేషన్ కూడా ఒకే ప్రాంతంలో ఏర్పాటు చేయడంతో.. తెగ ఉత్సాహంగా ఫీలయిపోతున్నారంతా.

'నలుగురు హీరోయిన్స్ ఒకేసారి షూటింగ్ చేయడం చాలా అరుదు. వినగానే నేను ఎగ్జైట్ మెంట్ ఫీలయ్యాను. పారిస్ లో ఏమేం చేయాలో ఇప్పటికే ప్లాన్ చేసేసుకున్నాం. ఒకే ప్రాంతంలో ఉండనుండడంతో మా రిలేషన్ మరింతగా బలపడుతుంది' అంటోంది తమన్నా.

'నాకు తమన్నా పర్సనల్ గా కూడా బాగా తెలుసు. దాదాపు ఒకేసారి కెరీర్ స్టార్ట్ చేసిన మా ఇద్దరి మధ్య చక్కని బంధం ఉంది. ఇండస్ట్రీలో నా బెస్ట్ ఫ్రెండ్స్ లో ఒకరు తమ్మూ. అయితే.. షూటింగ్ కోసం ఒకే ప్రాంతంలో కలిసి ఉండాల్సి రావడం ఇప్పుడే జరుగుతోంది' అంటోంది కాజల్ అగర్వాల్.

'కాజల్.. తమన్నాలతో టైం స్పెండ్ చేయడం బాగుంటుందని అంతా చెబుతున్నారు కానీ.. రియల్ లైఫ్ లో నాకు తెలీదు. వారు ఏ మాత్రం అవకాశం ఇచ్చినా.. ఇట్టే కలిసిపోతానను. నెలకు పైగా ఈ ఫ్రాన్స్ షెడ్యూల్ కొనసాగనుంది' అని చెప్పింది మంజిమా మోహన్.