ఎన్టీఆర్ సినిమాలో నాలుగో హీరోయిన్!

కెరీర్లో తొలిసారిగా జూనియర్ ఎన్టీఆర్ త్రిపాత్రాభినయానికి రెడీ అయిపోతున్నాడు. ‘పవర్’ ఫేమ్ బాబీ దర్శకత్వంలో తెరకెక్కబోయే కొత్త సినిమాలో మూడు పాత్రల్లో దర్శనమివ్వబోతున్నాడు తారక్. ఇది మూడు షేడ్స్ ఉన్న ఒక పాత్ర కాదు. మూడు వేర్వేరు పాత్రలే. ఆ మూడు పాత్రలకూ ముగ్గురు హీరోయిన్లు కూడా ఉండటం విశేషం. స్టార్ హీరోయిన్ కాజల్‌ తో పాటు.. అప్ కమింగ్ హీరోయిన్లు నివేదా థామస్ - అనుపమ పరమేశ్వరన్ ఈ మూడు పాత్రల్ని పోషిస్తున్నారు. విశేషం ఏంటంటే.. ఈ చిత్రంలో మరో హీరోయిన్ కూడా కనిపిస్తుందట.

‘జనతా గ్యారేజ్’లో కాజల్ తరహాలోనే ఒక స్టార్ హీరోయిన్‌తో ఐటెం సాంగ్ కోసం ప్లాన్ చేశాడట బాబీ. అలా చూసుకుంటే ఎన్టీఆర్ కొత్త సినిమాలో ఏకంగా నలుగురు హీరోయిన్లు దర్శనమిస్తారన్నమాట. వరుసగా టెంపర్ - నాన్నకు ప్రేమతో - జనతా గ్యారేజ్ లాంటి వైవిధ్యమైన సినిమాలు చేసిన ఎన్టీఆర్.. ఈసారి మాస్ టచ్ ఉన్న కమర్షియల్ ఎంటర్టైనర్ చేయబోతున్నట్లు సమాచారం. ‘సర్దార్ గబ్బర్ సింగ్’ ఫెయిల్యూర్లో తన పాత్ర పరిమితం అయినప్పటికీ బాబీ మీద ఫ్లాప్ డైరెక్టర్ అన్న ముద్ర పడిపోయింది. ఈ నేపథ్యంలో తనేంటో రుజువు చేసుకోవాలని పట్టుదలతో ఉన్న బాబీ.. తన రచనా సామర్థ్యాన్నంతా ఉపయోగించి పక్కా కమర్షియల్ స్క్రిప్టు రెడీ చేసినట్లు సమాచారం. సంక్రాంతి తర్వాత ఈ చిత్రం సెట్స్ మీదకి వెళ్తుంది.

Like Us on Facebook : https://www.facebook.com/Tupakidotcom/