6వేల కోట్ల ఆర్జ‌న‌తో నాలుగో సంప‌న్న న‌టుడు?

పఠాన్ విడుదలకు ముందు SRK అభిమానుల‌కు అదిరిపోయే మరో శుభవార్త అందింది. కింగ్ ఖాన్ మ‌రో అరుదైన గౌర‌వాన్ని అందుకున్నాడు. ప్రపంచంలోనే అత్యంత సంపన్న నటుల్లో 4వ స్థానంలో షారూఖ్ ఖాన్ నిలిచాడు. వరల్డ్ ఆఫ్ స్టాటిస్టిక్స్ ఆదివారం ట్విట్టర్ లో ప్రపంచంలోని అత్యంత సంపన్న నటుల జాబితాను విడుదల చేసింది.

ఈ జాబితా ప్రకారం బాలీవుడ్ కింగ్ ఏడాది సంపాద‌న‌ నికర విలువ 770 మిలియన్ డాల‌ర్లు. కింగ్ ఖాన్ టామ్ క్రూజ్- జాకీ చాన్ జార్జ్ క్లూనీ- రాబ‌ర్ట్ డీ నీరో వంటి టాప్ స్టార్ల‌ను రేసులో వెన‌క్కి నెట్టాడు. 770 మిలియన్ డాల‌ర్లు అంటే సుమారు 6376 కోట్లు. 6000 కోట్లు పైగా సంపాద‌న అంటే ఒక‌సారి ఊహించుకోండి. అవ‌తార్ 2 చిత్రం తొలి వీకెండ్ లో సంపాదించినంత‌.

వ‌ర‌ల్డ్ రిచెస్ట్ స్టార్స్ జాబితా ప్రకారం షారుఖ్ ఖాన్ సంపద 770 మిలియన్ డాలర్లు కాగా టామ్ క్రూజ్ .. జాకీ చాన్ సంపదలు వరుసగా 620 మిలియన్ డాలర్లు. ..520 మిలియన్ డాలర్లు. ఇంకా ఈ జాబితాలో వ‌ర‌ల్డ్ బెస్ట్ యాక్ట‌ర్స్ ఉన్నారు.

జెర్రీ సీన్ ఫెల్డ్ .. టైల‌ర్ పెర్రీ లు సుమారు ఒక (1) బిలియ‌న్ డాల‌ర్ సంపాద‌న‌తో టాప్ 1 .. టాప్ 2 స్థానాల‌ను ద‌క్కించుకోగా 800 మిలియ‌న్ డాల‌ర్ల సంపాద‌న‌తో డ్వేన్ జాన్స‌న్ మూడో స్థానంలో నిలిచాడు. అంటే షారూఖ్ కంటే అత‌డు ఒక మెట్టు ముందున్నాడు.

ప్రపంచంలోని టాప్ 10 సంపన్న నటులు:

1- జెర్రీ సీన్‌ఫెల్డ్: $1 బిలియన్
2- టైలర్ పెర్రీ: $1 బిలియన్
3- డ్వేన్ జాన్సన్: $800 మిలియన్
4- షారూఖ్ ఖాన్: $770 మిలియన్
5- టామ్ క్రూజ్: $620 మిలియన్
6- జాకీ చాన్: $520 మిలియన్
7- జార్జ్ క్లూనీ: $500 మిలియన్
8- రాబర్ట్ డి నీరో: $500 మిలియన్



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.