రామ్ చ‌ర‌ణ్ పై టైటానిక్ న‌టి ఆస‌క్తిక‌ర పోస్ట్!

యంగ్ టైగ‌ర్ ఎన్టీఆర్‌, మెగా ప‌వ‌ర్ స్టార్ రామ్ చ‌ర‌ణ్ ల తొలి క‌ల‌యిక‌లో జ‌క్క‌న్న అత్యంత ప్ర‌తిష్టాత్మ‌కంగా తెర‌కెక్కించిన పాన్ ఇండియా సెన్సేష‌న్ 'RRR'. ప్రీ ఇండిపెండెన్స్ ఎరా నేప‌థ్యంలో సాగే ఫిక్ష‌న‌ల్ యాక్ష‌న్ డ్రామాగా రూపొందిన ఈ మూవీలో ఎన్టీఆర్ గోండు బెబ్బులి కొమురం భీంగానూ, రామ్ చ‌ర‌ణ్ మ‌న్యం వీరుడు అల్లూరి సీతారామ‌రాజుగానూ న‌టించి సంచ‌ల‌నం సృష్టించారు. గ‌త ఏడాది మార్చిలో అత్యంత భారీ స్థాయిలో విడుద‌లైన ఈ మూవీ ప్ర‌పంచ వ్యాప్తంగా రికార్డు స్థాయి విజ‌యాన్ని సాధించింది.

బాక్సాఫీస్ వ‌ద్ద రూ. 1200 కోట్ల‌కు మించి వ‌సూళ్ల‌ని రాబ‌ట్టిన ఈ మూవీ ప‌లు అంత‌ర్జాతీయ వేదిక‌ల‌పై ప్ర‌తిష్టాత్మ‌క అవార్డుల్నిద‌క్కించుకుంటోంది. హాలీవుడ్ మేక‌ర్స్ దృష్టిని ఆక‌ర్షించిన ఈ మూవీ విదేశీ ప్రేక్ష‌కుల్ని సైతం రికార్డు స్థాయిలో మెప్పించి వార్త‌ల్లో నిలిచింది.

ప్ర‌స్తుతం ప్ర‌తిష్టాత్మ‌కంగా భావించే గోల్డెన్ గ్లోబ్ అవార్డుల‌కు రెండు విభాగాల్లో నామినేట్ అయిన ఈ మూవీ రీసెంట్ గా ఆస్కార్ అకాడ‌మీ అవార్డుల‌కు ప్ర‌త్యేక కేట‌గిరీలో షార్ట్ లిస్ట్ చేయ‌బ‌డి నామినేట్ కావ‌డం తెలిసిందే.

దీంతో యావ‌త్ ఇండియా మొత్తం త్వ‌ర‌లో జ‌ర‌గ‌నున్న ఆస్కార్ అకాడ‌మీ అవార్డుల కోసం ఆస‌క్తిగా ఎదురు చూస్తోంది. 'RRR' 'నాటు నాటు' పాట‌కు గానూ ఆస్కార్ కోసం షార్ట్ లిస్ట్ చేయ‌బ‌డిన విష‌యం తెలిసిందే. ఈ నేప‌థ్యంలో మెగా ప‌వ‌ర్ స్టార్ రామ్ చ‌ర‌ణ్ పై హాలీవుడ్ న‌టి సోష‌ల్ మీడియా వేదిక‌గా ఇంట్రెస్టింగ్‌ పోస్ట్ ని షేర్ చేయ‌డం ఆస‌క్తిక‌రంగా మారింది. 'టైటానిక్' ఫేమ్ ఫ్రాన్సెస్ ఫిష‌ర్ రామ్ చ‌ర‌ణ్ పై ఆస‌క్తిక‌ర వ్యాఖ్య‌లు చేసింది.

ప్ర‌పంచ వ్యాప్తంగా సంచ‌ల‌నం సృష్టించిన జేమ్స్ కామెరూన్ 'టైటానిక్‌' మూవీలో హీరోయిన్ కేట్ విన్స్లేట్ కు ఫ్రాన్సెస్ ఫిష‌ర్ త‌ల్లిగా న‌టించి ఆక‌ట్టుకున్నారు.

ఇంత‌టి క్రేజీ మూవీలో న‌టించిన ఫ్రాన్సెస్ ఫిష‌ర్ రామ్ చ‌ర‌ణ్ ట్వీట్ ని రీ ట్వీట్ చేస్తూ 'సినిమాలో రామ్ చ‌ర‌ణ్ యాటిట్యూడ్‌, త‌ను చేసిన స్టంట్స్, డ్యాన్స్‌, సాంగ్స్‌, అన్నింటికీ మించి త‌ను న‌టించిన స‌న్నివేశాలు సూప‌ర్బ్ అని ప్ర‌శంస‌ల వ‌ర్షం కురిపించింది. త‌ను చేసిన ట్వీట్ ప్ర‌స్తుతం నెట్టింట ట్రెండ్ అవుతూ వైర‌ల్ గా మారింది.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.