ఓటీటీని ముంచెత్త‌నున్న ‘ఉప్పెన‌’.. ఎప్పట్నుంచి అంటే?

మెగా కాంపౌండ్ నుంచి డెబ్యూ హీరోగా వ‌చ్చి.. ట్రేడ్ మార్క్ హిట్ కొట్టాడు వైష్ణ‌వ్ తేజ్‌. బుచ్చిబాబు సానా ద‌ర్శ‌క‌త్వంలో కృతిశెట్టి హీరోయిన్ గా వ‌చ్చిన ఈ సినిమా ఏ రేంజ్ బ్లాక్ బ‌స్ట‌ర్ గా నిలిచిందో అంద‌రికీ తెలిసిందే. ఈ చిత్రం సృష్టించిన వ‌సూళ్ల సునామీకి.. యావ‌త్ ఇండ‌స్ట్రీ ఆశ్చ‌ర్య‌పోయింది.

డెబ్యూ కేట‌గిరీలో నెవ్వ‌ర్ బిఫోర్ రికార్డులు న‌మోదు చేసింది. క‌లెక్ష‌న్ల వ‌ర్షం కురిపించిన ఈ మూవీ.. ఏకంగా వంద కోట్లు సాధించిందంటూ మేక‌ర్స్ అఫీషియ‌ల్ గా అనౌన్స్ చేశారు. అన్ని వర్గాల ప్రేక్షకులనూ ఆకట్టుకున్న ఈ సినిమా త్వరలో ఓటీటీలో స్ట్రీమింగ్ అయ్యేందుకు సిద్ధమవుతోంది.

ఈ బ్లాక్ బస్టర్ మూవీ ఓటీటీ హక్కులను ప్రముఖ సంస్థ నెట్ ఫ్లిక్స్ సొంతం చేసుకుంది. మే 14 నుంచి ఈ సినిమాను స్ట్రీమింగ్ చేయనున్నట్టు సమాచారం. దీంతో.. సమ్మర్ వేడిలో నెటిజన్లు ‘ఉప్పెన’లో తడిసిపోవచ్చన్నమాట.