టీవీ విలన్ తో గజాలా పెళ్లి

నాలో ఉన్న ప్రేమ అంటూ ఇంట్రడక్షన్, తర్వాత స్టూడెంట్ నెంబర్ 1 సినిమాతో తెలుగు ప్రేక్షకులకు బాగా పరిచయమైన గజాలా.. చాలా కాలం పాటు సౌత్ లో మెరిసింది. తెలుగు, తమిళ్ భాషల్లో 28 సినిమాల్లో నటించిన తర్వాత ఇక సినిమాలకు గుడ్ బై చెప్పేసి ప్రొఫెషన్ మార్చేసింది. తనకు ఎంతో ఇష్టమైన ఫోటోగ్రఫీలోకి వెళ్లిపోయి, అక్కడ ట్యాలెంట్ చూపిస్తున్న గజాలాకి ఇప్పుడు పెళ్లి బాజాలు మోగనున్నాయి.

హిందీ సీరియల్స్ లో విలన్ గా నటిస్తూ.. ప్రస్తుతం కొంత బ్రేక్ తీసుకున్న ఫైసల్ రజా ఖాన్ తో గజాలా పెళ్లి జరగనుంది. ఈ నెల 24న ఫైజల్-గజాలాలకు పెళ్లి నిశ్చమమైంది. భారీ హంగామాతో కాకుండా.. సింపుల్ గా వైట్ అండ్ గోల్డ్ థీమ్ తో పెళ్లి చేసుకోనున్నారు వీరిద్దరూ. నాలుగేళ్ల క్రితం మొదట గజాలాను ఓ ఫ్రెండ్ ఇస్తున్న పార్టీలో చూశాటడ ఫైజల్. 'మా ఇద్దరి మధ్య ఎంతో అండర్ స్టాండింగ్ ఉంది. తను చాలా సపోర్టివ్ కేరక్టర్. అంతే కాదు.. ఓ ఫోటోగ్రాఫర్ గా తను నాకు ఎంతో సాయం చేసింది కూడా' అంటున్నా ఫైసల్.

గజాలా షేక్ 2009 నుంచి ఫోటోగ్రఫీని ప్రొఫెషన్ గా కూడా చేపట్టింది. ఇదిలా ఉంటే.. త్వరలో మళ్లీ నెగిటివ్ రోల్స్ లో విలన్ గా నటించబోతున్నానంటున్న ఫైసల్.. గజాలా మాత్రం ఫోటోగ్రఫీలో కంటిన్యూ అయేందుకు ఇష్టపడుతోందని చెప్పాడు.