బ్రియాన్ లారాతో భవిష్యత్ సూపర్ స్టార్

సినీ తారలకు దేశ వ్యాప్తంగా అభిమానులంటే.. క్రీడాకారులకు మాత్రం ప్రపంచ వ్యాప్తంగా అభిమానులుంటారు. అందులోనూ క్రికెటర్లకూ మరీ ఎక్కువ అభిమానులు వుంటారు. అందులో సినీ తారలు కూడా ఉంటారు. సినీ తారలు, క్రికెటర్లకు మధ్య మంచి స్నేహమే వుంది. ఐపీఎల్ - సీసీఎల్ లాంటి టోర్నమెంట్లు వచ్చిన తరువాత క్రికెటర్లకు, సినీతారలకు మధ్య దూరం బాగా తగ్గిపోయింది. మాస్టర్ బ్లస్టర్ సచిన్ టెంటూల్కర్ కి టాలీవుడ్ లో చాలా మంది స్నేహితులున్నారు. అందులో ముఖ్యులు నాగార్జున, చిరంజీవి కుటుంబం. సచిన్ హైదరాబాద్ కొచ్చాడంటే.. ఈ రెండు కుటుంబాల సభ్యులు తప్పకుండా సచిన్ కు ఆతిథ్యం ఇస్తారు. ఇటీవల నిర్వహించిన అఖిల్ ఆడియో ఫంక్షన్ రోజూ సచిన్ వీడియో ద్వారా అఖిల్ కు సుభాకాంక్షలు కూడా చెప్పారు. ఇలా సినీ తారలు క్రికెటర్ల మధ్య స్నేహపూర్వక వాతావరణం వుంది.

మొన్నామధ్య హైదరాబాద్ కు ఓ ప్రైవేటు ఛానెల్ ను ప్రారంభించడానికి వచ్చిన లెజెండరీ బ్యాట్స్ మెన్ బ్రియాన్ లారాను ప్రిన్స్ మహేష్ కుటుంబం కలిసింది. అయితే వీరు ప్రత్యేకంగా కలవలేదు గానీ.. ప్యారీస్ కు వెకేషన్స్ కు వెళుతున్న సందర్భంలో విమానంలో లారాను కలిశారు. లారాతో వీరికి పరిచయం ఎలా అయిందో తెలియదు గానీ.. లారాతో ప్రిన్స్ మహేష్ కుమారుడు గౌతమ్ దిగిన ఫొటోను మాత్రం మహేష్ సోషల్ మీడియాలో పోస్ట్ చేశాడు. తన అభిమాన క్రీడాకారుడితో తన కుమారుడు దిగిన ఫొటో ఎప్పటికీ మెమోరబుల్ అంటూ కొనియాడారు.