ఆ హిట్ సినిమాలో హీరోయిన్ కూతురు?

కాలం బాగా మారిపోయింది. ఒక‌ప్పుడు సినీ రంగంలో వార‌స‌త్వం కింద హీరోలే వ‌చ్చేవాళ్లు. ఇప్పుడు హీరోయిన్లు కూడా వ‌చ్చేస్తున్నారు. నీహారిక‌...కార్తీక‌...శ్రుతి హాస‌న్‌... అలియా భ‌ట్‌... ఇదిగో ఇప్పుడు మ‌రో స్టార్ హీరోయిన్ కూతురు తెరంగేట్రం చేయ‌బోతోంద‌ట‌. ఆమె ఎవ‌రో కాదు తెలుగు న‌టి గౌత‌మి కూతురు సుబ్బుల‌క్ష్మి.

గౌత‌మికి మొద‌టి భ‌ర్త వ‌ల్ల క‌లిగిన పాప సుబ్బుల‌క్ష్మి. పెళ్ల‌యిన ఏడాదికే ఆమె భ‌ర్త‌తో విడిపోవ‌డం... కొన్నాళ్లు ఒంటరిగా ఉండ‌డం... ఆ త‌రువాత క‌మ‌ల్ హాస‌న్‌ తో స‌హ‌జీవ‌నం చేయడం జ‌రిగిపోయింది. ఇప్పుడు క‌మ‌ల్‌ తో కూడా బంధాన్ని తెంపుకుంది గౌత‌మి. దానికి శ్రుతిహాస‌నే కార‌ణ‌మ‌న్న వదంతులు వినిపించాయి. గౌత‌మి మాత్రం క‌మ‌ల్ పిల్ల‌ల్ని ఏమీ అన‌లేదు. గ‌త రెండేళ్లుగా ఆమె త‌న ఒక్క‌గానొక్క కూతురు సుబ్బుల‌క్ష్మిని హీరోయిన్‌ గా చేసేందుకు ప్ర‌య‌త్నిస్తోంది. లుక్స్ ప‌రంగా సుబ్బుల‌క్ష్మి యావ‌రేజ్‌ గా ఉండ‌డ‌మో... ఇంకేద‌న్న కార‌ణ‌మో కానీ... ఇప్ప‌టివ‌ర‌కు ఒక్క సినిమా కూడా కాలేదు. ఇదిగో ఇప్పుడు ఓ సూప‌ర్ హిట్ సినిమాలో ఎంట్రీ ఇవ్వ‌బోతున్న‌ట్టు టాక్.

తెలుగులో సూప‌ర్ హిట్ అయిన సినిమా అర్జున్ రెడ్డి. దీనిని త‌మిళంలో రీమేక్ చేయ‌బోతున్నారు. విక్ర‌మ్ కొడుకు ధ్రువ్ హీరోగా ప‌రిచ‌యం అవుతున్నాడు. గెడ్డంతో ఉన్న అత‌ని ఫ‌స్ట్ లుక్‌ ను కూడా విడుద‌ల చేసింది చిత్ర‌యూనిట్. హీరోయిన్ ఎవ‌రో మాత్రం ఇంత‌వ‌ర‌కు ప్ర‌క‌టించ‌లేదు. ఇప్పుడు తెలిసిన స‌మాచారం మేర‌కు సుబ్బుల‌క్ష్మి ఆ సినిమాలో న‌టించ‌బోతున్న‌ట్టు తెలుస్తోంది. అయితే ఈ విషయాన్ని చిత్ర‌యూనిట్ అధికారికంగా ప్ర‌క‌టిస్తే కానీ న‌మ్మ‌లేం. ఈ సినిమాను ద‌ర్శ‌కుడు బాలా చిత్రీక‌రిస్తున్నాడు. త్వ‌ర‌లో ఫిమేల్ లీడ్ ఎవ‌రో ప్ర‌క‌టించ‌నుంద‌ట చిత్ర‌యూనిట్‌.