శాతకర్ణి డిజిటల్ ఇన్విటేషన్ అదిరింది

నందమూరి బాలకృష్ణ వందో చిత్రం గౌతమిపుత్ర శాతకర్ణి చిత్రం సంచలనాలు ఇప్పటికే ప్రారంభం కాగా.. మరిన్ని సెన్సేషన్స్ సృష్టించేందుకు సిద్ధమవుతోంది. వెంకన్న సన్నిధిలో తిరుపతిలో అంగరంగ వైభవంగా ఈ వేడుకను నిర్వహించనుంది శాతకర్ణి యూనిట్.

గౌతమిపుత్ర శాతకర్ణి ఆడియో విడుదల కార్యక్రమం కోసం రూపొందించిన ఆహ్వాన పత్రం ఇప్పుడు అందరినీ ఆకట్టుకుంది. వంద మంది విశిష్ట అతిథుల కోసం ఈ డిజిటల్ ఇన్విటేషన్ రూపొందించినట్లు తెలిపింది యూనిట్. ఇందులో నాలుగు భాగాలు ఉండగా.. 1 నంబర్ ప్రెస్ చేస్తే.. బాలయ్య గురించి.. 2వ నంబర్ లో క్రిష్ గురించి ఆడియో వీడియో విజువల్స్ వస్తాయి. ఇక 3వ నంబర్ లో శాతకర్ణి ట్రైలర్ ను ఉంచగా... 4ను ప్రెస్ చేసినపుడు ఆడియో రిలీజ్ వేడుక.. వేదిక.. తేదీ.. సమయం.. అతిథుల లిస్ట్ వస్తుంది.

ఏపీ సీఎం చంద్రబాబు.. కేంద్ర మంత్రి వెంకయ్యనాయుడు కూడా ఈ వేడుకకు రానునట్లు ఇన్విటేషన్ లోనే వెల్లడించారు. విజువల్స్.. ట్రైలర్.. కాన్సెప్ట్ తో మాత్రమే కాకుండా.. ఇన్విటేషన్ లో కూడా ప్రత్యేకత ఆపాదించుకుంది గౌతమిపుత్ర శాతకర్ణి మూవీ. బాలయ్యతో పాటు సినిమా టీం మొత్తం తిరుపతిలో జరిగే ఈ వేడుకకు హాజరు కానుంది.



Like Us on Facebook : https://www.facebook.com/Tupakidotcom/