అద్భుతహ: గౌతమీపుత్ర ఫస్ట్ లుక్

నందమూరి అభిమానులకు బిగ్ సర్ప్రైజ్.. రేపు బాలయ్య పుట్టిన రోజును పురస్కరించుకుని ముందు రోజు ఆయన కెరీర్లో అత్యంత ప్రతిష్టాత్మకంగా తెరకెక్కుతున్న ‘గౌతమీపుత్ర శాతకర్ణి’ ఫస్ట్ లుక్ పోస్టర్ రిలీజీ్ చేశారు. ఈ పోస్టర్ గురించి ఒకే ఒక్క మాట చెప్పగలం. ‘అద్భుతహ’.. అని. హాలీవుడ్ వార్ ఫిల్మ్స్ ను తలపించే లుక్ తో వావ్ అనిపించేలా ఈ పోస్టర్ డిజైన్ చేసింది క్రిష్ అండ్ కో. కదనరంగంలో కసిగా ఉన్న గౌతమీపుత్ర శాతకర్ణి రూపంలో బాలయ్య లుక్ అదిరిపోయిందంతే. పోస్టర్ కు వాడిన బ్యాగ్రౌండ్ అంతా.. యుద్ధభూమిని తలపిస్తోంది. జెండాలోని రూపం శాతవాహనుల సామ్రాజ్యపు గుర్తు కనిపిస్తోంది.

మొరాకాలో మూడు వారాల పాటు చిత్రీకరించిన యుద్ధ సన్నివేశాల్లోంచి బాలయ్య లుక్ బయటికి తీసినట్లుగా కనిపిస్తోంది. బాలయ్య వందో సినిమాకు ఎంత గొప్పగా ఉండాలో అంత గొప్పగానే ఈ ఫస్ట్ లుక్ డిజైన్ చేసింది క్రిష్ టీమ్. ‘యాన్ అన్ సంగ్ స్టోరీ ఆఫ్ ఇండియాస్ గ్రేటెస్ట్ వారియర్ ఎంపరర్’ అంటూ సినిమా ఉద్దేశమేంటో చెప్పారు. ‘ఎన్బీకే 100’ అన్న స్టాంప్ కూడా పడింది పోస్టర్ మీద. హ్యాపీ బర్త్ డే టు ‘బసవతారకపుత్ర’ బాలకృష్ణ అంటూ తమదైన స్టయిల్లో బాలయ్యకు శుభాకాంక్షలు చెప్పింది క్రిష్ అండ్ టీమ్.ఇప్పటికే రెండు షెడ్యూళ్లు పూర్తి చేసుకున్న ‘గౌతమీపుత్ర శాతకర్ణి’ త్వరలోనే మూడో షెడ్యూళ్లోకి వెళ్లబోతోంది. వచ్చే ఏడాది సంక్రాంతికి ఈ చిత్రం ప్రేక్షకుల ముందుకు రానుంది.