ఫోటో స్టోరి: అశ్వంపై నటసింహం పరుగులు

నందమూరి బాలకృష్ణ లేటెస్ట్ మూవీ గౌతమిపుత్ర శాతకర్ణి.. ఇప్పుడు టాలీవుడ్ సెన్సేషన్. వందో చిత్రంగా శాతకర్ణి లాంటి చారిత్రక చిత్రాన్ని ఎంచుకున్న బాలయ్య సంచలనాలకు వేదిక అయ్యారు. ఇప్పుడు మూవీ షూటింగ్ ఫినిష్ అవడంతో పాటు.. ప్రమోషనల్ కార్యక్రమాలు కూడా మొదలుపెట్టేశారు. ఇవాళ సాయంత్రం తిరుపతి వేదికగా గౌతమిపుత్ర శాతకర్ణి ఆడియో రిలీజ్ ఫంక్షన్ ఘనంగా జరగనుంది.

అటు ఈవెంట్స్ తో పాటే.. స్పెషల్ పోస్టర్లతో అలరిస్తోంది శాతకర్ణి యూనిట్. తాజాగా నందమూరి బాలకృష్ణ.. గౌతమిపుత్ర శాతకర్ణి గెటప్ లో పరుగులు తీస్తున్న అశ్వాన్ని అధిరోహించి.. యుద్ధరంగంలో కదం తొక్కుతున్న గెటప్ తో ఓ పోస్టర్ ఇచ్చింది యూనిట్. యుద్ధ వీరుడిగా బాలయ్య ఉగ్ర రూపం ఆ ఫోటోల కనిపిస్తోంది. 17 శతాబ్దాల క్రితం నాటి చరిత్రను క్రిష్ తెరకెక్కిస్తుంటే.. శాతకర్ణి పాత్రకు బాలయ్య ఏ స్థాయిలో జీవం పోశారో.. ఈ ఒక్క స్టిల్ చూస్తే అర్ధమైపోతోంది.

రోజుకో కొత్త స్టిల్.. పోస్టర్లను విడుదల చేస్తూ.. గౌతమిపుత్ర శాతకర్ణిపై అంచనాలను అంతకంతకూ పెంచేస్తోంది క్రిష్ అండ్ టీం. తెలుగు జాతి గర్వించదగ్గ ఓ మహనీయుడైన చక్రవర్తి కథ అంటూ చేస్తున్న ప్రచారం.. శాతకర్ణికి బాగా కలిసొస్తోందని చెప్పాలి.

Like Us on Facebook : https://www.facebook.com/Tupakidotcom/