శాతకర్ణి ఫ్యాన్సు టీజర్ అదిరిపోయింది..

బాలకృష్ణ వందో సినిమా గౌతమీ పుత్ర శాతకర్ణి ఇప్పుడు తెలుగు సినీ ఇండస్ట్రీలో హాట్ టాపిగ్గా మారింది. సినిమా లాంఛింగ్ అట్టహాసంగా జరగడమే కాకుండా సినీ - పొలిటికల్ స్టార్లు హాజరై గౌతమీ పుత్ర శాతకర్ణి ఖచ్చితంగా బంపర్ హిట్టవుతందని అన్నారు. అభిమానులు అంతకుమించిన ఆశలు, అంచనాలతో ఉన్నారు. ఈ సినిమాపై ఉన్న భారీ అంచనాలకు తగ్గట్లుగానే, అందరి ఆసక్తిని సంతృప్తి పరుస్తూ టీజర్ ఒకటి ఇంటర్నెట్ లో వైరల్ గా స్ప్రెడ్ అవుతోంది. అయితే.. అది అఫీషియల్ ట్రయలర్ కాదు. అభిమానులెవరో తయారు చేసిన ట్రయలర్.

చరిత్రకు సంబంధించిన ఇతివృత్తంలో తెరకెక్కుతున్న ఈ సినిమా విషయంలో ఇటీవల బాహుబలికి వచ్చినట్లే బ్రహ్మాండమైన క్రేజ్ వస్తోంది. ఆ కారణంగానే అభిమానులు టీజర్ ను కూడా రూపొందించినట్లుగా తెలుస్తోంది. సాధారణంగా గతంలోనూ కొన్ని సినిమాలకు అభిమానులు పోస్టర్లు వంటివి రూపొందించి ఇంటర్నెట్లో రిలీజ్ చేసినా ఈసారి భారీ కసరత్తు చేసి గ్రాఫిక్సుతో టీజర్ రిలీజ్ చేయడం విశేషం.

బాలయ్యను చక్రవర్తిలా - యోధుడిలా చూపుతూ... గతంలో వచ్చిన కొన్ని సినిమాల్లో యుద్ధ సన్నివేశాలను మిక్సు చేసి గ్రాఫిక్సు సహాయంతో రూపొందించిన ఈ టీజర్ వెనుక భారీ కసరత్తు కనిపిస్తోంది. ఇదిప్పుడు ఇంటర్నెట్లో దుమ్ము రేపుతోంది.