శాతకర్ణి వర్సెస్ గ్రాఫిక్స్.. ఎవరికి ఎవరు?

నందమూరి బాలకృష్ణ వందో చిత్రం గౌతమిపుత్ర శాతకర్ణి కోసం సర్వశక్తులు ఒడ్డి సకలం సిద్ధం చేస్తున్నాడు దర్శకుడు క్రిష్. బాలయ్య సంక్రాంతికి వస్తాడని.. పండుగ ముచ్చట తీరుస్తాడని.. పొంగల్ హీరోగా తన రికార్డును.. డామినేషన్ ను కంటిన్యూ చేస్తాడని అంచనాలు బాగానే ఉన్నాయి.

శాతకర్ణికి అసలైన స్ట్రెంగ్త్.. మూవీ డ్యూరేషన్ అంటున్నారు. కేవలం 130 నిమిషాల వ్యవధిలోనే 3-4 భీకరమైన యుద్ధాలను చూపించేయడం.. పెద్ద ప్లస్ పాయింట్ కానుందట. అయితే.. చారిత్రక చిత్రాన్ని ఇంత క్రిస్ప్ గా చూపించాల్సి రావడానికి కారణం మాత్రం విజువల్ ఎఫెక్ట్స్ అనాల్సిందే. 3-4 గంటల సినిమా తీయడం కంటే.. ఆ మొత్తం ఎపిసోడ్స్ కు గ్రాఫిక్స్ జోడించేసరికి తలకు మించిన భారం అయిపోతుంది. నిజానికి గ్రాఫిక్స్ తో బేస్ అయిన మూవీతో అదే అసలైన అడ్వాంటేజ్.. విజువల్ ఎఫెక్ట్స్ కావడంతో.. మొత్తం స్టోరీ బోర్డ్ అంతా రెడీగా ఉటుంది. ప్రతీ షాట్ టైమింగ్ సిద్ధంగా ఉంటుంది. మూవీ లెంగ్త్ ముందే తెలిస్తే., అందుకు తగినట్లుగానే షూట్ చేసుకునే సౌలభ్యాన్ని గ్రాఫిక్స్ కల్పిస్తాయి.

కానీ బడ్జెట్ లిమిటేషన్స్ దృష్టిలో ఉంచుకుని.. శాతకర్ణికి నిడివి తగ్గించడంతో.. స్క్రీన్ ప్లే పేస్ మాత్రం హైస్పీడ్ లో ఉండనుందని తెలుస్తోంది. మరిప్పుడు శాతకర్ణి వర్సెస్ గ్రాఫిక్స్ ఎవరికి ఎవరు అనే ప్రశ్న ఎదురైతే మాత్రం.. అన్నిటికీ బాలయ్య అనే ఆన్సర్ వినిపించడంలో ఆశ్చర్యం లేదులే.

Like Us on Facebook : https://www.facebook.com/Tupakidotcom/