శాతకర్ణి పేరిట మరో రికార్డ్!

సంక్రాంతి సందర్భంగా తన వందో సినిమా "గౌతమీపుత్ర శాతకర్ణి"తో ప్రేక్షకుల ముందుకు వచ్చారు బాలకృష్ణ. క్రిష్ దర్శకత్వంలో వచ్చిన ఈ సినిమా షూటింగ్ స్టార్ అయినప్పటినుంచే భారీ అంచనాలను నెలకొల్పిన సంగతి తెలిసిందే. ఈమధ్యకాలంలో చారిత్రాత్మక చిత్రాలు వచ్చిన సందర్భాలు లేవనే చెప్పాలి.. ఈ క్రమంలో బాలయ్య ఒక మహారాజు పాత్రలో, తనదైన డైలాగులతో, క్రిష్ మార్కు దర్శకత్వంతో రాబోతుండటంతో ఇండస్ట్రీలో కూడా ఈ సినిమాపై భారీ అంచనాలు నెలకొన్నాయి. అయితే అందరి అంచనాలనూ తృప్తిపరుస్తూ విడుదలయిన ప్రతిచోటా కలెక్షన్స్ వర్షం కురిపిస్తుంది శాతకర్ణి. ఈ క్రమంలో సరికొత్త రికార్డులను సృష్టిస్తున్న బాలయ్య శాతకర్ణి పేరిట తాజాగా మరో రికార్డు వచ్చి చేరింది.

"బేస్డ్ ఆన్ వన్ ఆఫ్ ది గ్రేటెస్ట్ స్టోరీస్ ఎవ్వర్ టోల్డ్.. నెవ్వర్ టోల్డ్" అంటూ మొదలైన గౌతమీపుత్ర శాతకర్ణి ట్రైలర్ "సమయము లేదు మిత్రమా... శరణమా, రణమా.." అంటూ హీట్ హీట్ గా సాగిపోయిన సంగతి తెలిసిందే. అయితే కొత్త బాలయ్యను ఆవిష్కరిస్తూ, పాత ఫైర్ తగ్గకుండా చూపించిన ఈ ట్రైలర్ యూ ట్యూబ్ లో సరికొత్త రికార్డును సృష్టించింది. ఈ ట్రైలర్ కు ఇప్పటివరకూ లక్ష లైక్స్ రావడం విశేషం. ఇదే క్రమంలో సుమారు 72లక్షలకు పైగా వ్యూస్ తో ఈ ట్రైలర్ యూట్యూబ్ లో దూసుకుపోతుంది.

కాగా, బాలయ్య వందో సినిమాగా సంక్రాంతి సంబరాలను అంబరాన్నంటించడానికన్నట్లు విడుదలయిన ఈ సినిమా విడుదలయిన నాలుగైదు రోజుల్లోనే చాలా చోట్ల సేఫ్ జోన్ కు చేరుకోగా, మరికొన్ని చోట్ల లాభాల బాట పట్టిందని తెలుస్తోంది.

Like Us on Facebook : https://www.facebook.com/Tupakidotcom/