ఫస్ట్ లుక్: గాయత్రిలో పవర్ ఫుల్ బాబు

విలక్షణ నటుడు మంచు మోహన్ బాబు డైలాగ్ డెలివరీలోను.. నటనలోను ప్రత్యేకమైన శైలి ఉంది. విలన్ గా.. క్యారెక్టర్ ఆర్టిస్ట్ గా తన కెరీర్ ను ప్రారంభించిన మోహన్ బాబు.. క్రమంగా హీరోగా మారి కలెక్షన్ కింగ్ అనిపించుకున్నారు. కెరీర్ పీక్స్ లో ఉన్నపుడు ఆయన చేసిన పలు నెగిటివ్ క్యారెక్టర్లు ఎంతగానో ఆకట్టుకున్నాయి. ఇప్పుడు ఆచితూచి సినిమాలు చేస్తున్న మోహన్ బాబు.. ప్రస్తుతం గాయత్రి అనే చిత్రాన్ని విడుదలకు సిద్ధం చేస్తున్నారు.

ఇప్పుడీ చిత్రానికి ఫస్ట్ లుక్ ను రిలీజ్ చేశారు. మోహన్ బాబు కళ్లలో కనిపిస్తున్న ఇంటెన్స్ లుక్.. నెరిసిన గెడ్డం.. మెలిదిరిగిన మీసం.. మొహంలో కనిపిస్తున్న కోపం.. గాయత్రి ఫస్ట్ లుక్ ను సూపర్బ్ అనిపించేలా చేశాయి. క్రిస్మస్ సందర్భంగా విడుదల అయిన ఈ ఫస్ట్ లుక్ మోహన్ బాబు అభిమానులను ఎంతగానో ఆకట్టుకుంటోంది. మరోసారి పవర్ ఫుల్ లో ఈ మంచు హీరో ఇరగదీయనున్నారనే సంగతి అర్ధమవుతూనే ఉంది.

ఆ రోజు రాముడు చేసింది తప్పు అయితే.. నాదీ తప్పే అంటూ పెట్టిన క్యాప్షన్ ఆసక్తిని కలిగిస్తోంది. ఈ క్యాప్షన్ ద్వారా నెగిటివ్ ఛాయలు ఉన్న పాత్రను మోహన్ బాబు పోషించబోతున్నారనే విషయాన్ని ఇన్ డైరెక్టుగా చెప్పారు. ఇక గాయత్రి మూవీని ఫిబ్రవరి 9న విడుదల చేసేందుకు ప్రయత్నాలు జరుగుతున్నాయి.