టీజ‌ర్ టాక్: గీత గోవిందం కోరిక మేర‌కు

ఆకాశ‌వాణి.. విశాఖ‌ప‌ట్నం కేంద్రం. ముందుగా గీత గోవిందం కోరిక మేర‌కు. ఏంటీ.. రేడియోలో ఈ కోరుకొన్న పాట‌లు వినిపించే కార్య‌క్ర‌మం అంటారా? అదంతా ఆశ నిరాశ కార్య‌క్ర‌మంలో భాగ‌మే నండీ. అస‌లు ఇదేం కార్య‌క్ర‌మం అంటారా? అది మాత్రం `గీత గోవిందం` సినిమా చూస్తేనే తెలుస్తుంది. విజ‌య్ దేవ‌ర‌కొండ క‌థానాయ‌కుడి ప‌ర‌శురామ్ ద‌ర్శ‌క‌త్వంలో గీత ఆర్ట్స్ ప‌తాకంపై రూపొందిన చిత్ర‌మిది. మొన్న‌టిదాకా అర్జున్‌రెడ్డి ఇమేజ్‌ తో విజ‌య్ దేవ‌ర‌కొండ కాస్త యారొగెంట్‌ గా అనిపించేవారు. కానీ `గీత గోవిందం`తో మాత్రం నేను మారిపోయా అంటున్నాడు. అయామ్ కంప్లీట్లీ డీసెంట్ నౌ అంటున్నాడు.

కొద్దిసేప‌టి కిందే గీత గోవిందం వ‌న్ మినిట్ టీజ‌ర్ విడుద‌లైంది. ఆ టీజ‌ర్ సూప‌ర్‌ఫ‌న్ అనిపించేలా సాగింది. ఆశ నిరాశ కార్య‌క్రమంలో భాగంగా వ‌చ్చే గీత గోవిందంల ప‌ల్లెటూరి ప్రేమ‌క‌థ అయితే భ‌లే గ‌మ్మ‌త్తుగా అనిపిస్తుంది. అలాగే ``ఇంకొక్కసారి అమ్మాయిలు - ఆంటీలు - ఫిగ‌ర్లు అని తిరిగావంటే యాసిడ్ పోసేస్తా. ఇంక మార‌వా నువ్వు`` అని గీత చెప్పే డైలాగూ... `` లేదు మేడ‌మ్ మారిపోయా. అయామ్ కంప్లీట్లీ డీసెంట్ నౌ`` అంటూ గోవిందం చెప్పే స‌మాధానం అదుర్స్ అనిపిస్తుంది. ఈ టీజ‌ర్‌ లో ముఖ్యంగా విజ‌య్ దేవ‌ర‌కొండ - ర‌ష్మిక మంద‌నల మ‌ధ్య కెమిస్ట్రీ అదిరిపోయింది. ఇద్ద‌రూ సూప‌ర్‌ కూల్‌ గా క‌నిపించారు. ఈ చిత్రం ఆగ‌స్టు 15న ప్రేక్ష‌కుల ముందుకొస్తోంది. జులై 29న పాట‌ల్ని విడుద‌ల చేస్తారు.