సునీత ‘రాగం’కి ప్రచారం బాగుంది

సమాజంలో ఇండిపెండెంట్ విమెన్ ఎలాంటి రూమర్స్ ని ఎదుర్కొంటుందో... దాని వల్ల వాళ్ల ఆత్మస్థైర్యం ఎలా కోల్పోతారు? అలాంటి రూమర్స్ ని లెక్క చేయకుండా ముందుకు అడుగేస్తే.. ఫలితం ఎలా వుంటుందనే ప్రధాన ఇతి వృత్తంతో ప్రముఖ గాయని సునీత ‘రాగం’ అనే ఓ షార్ట్ ఫిలింలో నటించింది. ఇటీవలే స్క్రీనింగ్ కూడా చేశారు. ఈ ‘రాగం’ స్టోరీ సునీత నిజజీవితాన్ని స్పృశించేలా వుందనే టాక్ కూడా ఇంటస్ట్రీలో వినిపించింది. అలాంటి రాగం.. ఇప్పుడు యూట్యూబ్ లో వ్యూవర్స్ ని బాగానే ఆకట్టుకుంటోంది.

రోజు రోజుకి వ్యూవర్స్ సంఖ్య పెరుగుతూనే వుంది. మొన్నటి వరకు మీడియాకు దూరంగా వుంటూ వచ్చిన గాయనీ సునీత.. ఆ మధ్య ఓ తెలుగు దినపత్రికలో తన భర్తపై చేసిన కామెంట్స్ తో ఒక్కసారిగా హాట్ టాపిక్ గా మారిపోయారు. సునీత జీవితంలో ఏదో జరిగిపోయింది.. ఇక భవిష్యత్తులో కూడా ఏదో జరబోతోందనే అనుమానాలొచ్చాయి. ఆ నేపథ్యంలో ఈ షార్ట్ ఫిలిం రావడంతో సునీత అభిమానులు దాన్ని చూడటానికి బాగా ఆసక్తి చూపుతున్నారు. ఇప్పటికే దాదాపు అర మిలియన్ వ్యూవర్స్ దీన్ని చూడటానికి ఇష్టపడ్డారంటే... సునీత‘రాగం’ ఎంతలా ఇష్టపడేవారున్నారో అర్థమవుతోంది.

మరోవైపు యూత్ లో మంచి ఫాలోయింగ్ వున్న గీతామాధురి కూడా తన సోషల్ మీడియాలో రాగం గురించి తనవంతు ప్రచారం చేస్తోంది. శ్రీచైతు డైరెక్షన్లో తెరకెక్కిన ఈచిత్రం.. ఎంతో మంది మహిళల్లో ఆలోచనలను రేకెత్తించే విధంగా వుందని... నా ఫేవరేట్ గాయనీ సునీత అందులో జీవించేసిందని, సునీల్ కశ్యప్ సంగీతం చాలా ఫ్రెష్ గా వుందంటూ తన టైమ్ లైన్లో పొగిడేసింది గీతామాధురి. ఇంత మంది ప్రచారం చేస్తున్న ఈ రాగం.. త్వరలోనే మిలియన్ మార్క్ వ్యూవర్స్ ని సంపాదించుకున్నా ఆశ్చర్యపోవాల్సిన పనిలేదేమో? చూద్దాం ఎనీథింగ్ హ్యాపెన్!

Like Us on Facebook : https://www.facebook.com/Tupakidotcom/