వరుణ్ సినిమాకి విజయ్ సినిమాటోగ్రాఫర్

ప్రస్తుతం టాలీవుడ్ లో కొత్త సినిమాటోగ్రాఫర్ ల ట్రెండ్ నడుస్తోంది. ప్రతీ సినిమాకి ఒక్కో ఫేమస్ సినిమాటోగ్రాఫర్ ను తీసుకొస్తున్నాడు అల్లు అర్జున్. ఇప్పుడు అదే బాటను దాదాపు ఇండస్ట్రీ అంతా ఫాలో అయిపోతున్నట్లుగా కనిపిస్తోంది.

మెగా హీరోల్లో ఒకడైన వరుణ్ తేజ్ త్వరలో వెంకీ అట్లూరి దర్శకత్వంలో ఓ మూవీ చేయనున్నాడు. ఈ చిత్రం కోసం జార్జ్ సి. విలియమ్స్ ను సినిమాటోగ్రాఫర్ గా ఫైనలైజ్ చేశారు. ఈయన కోలీవుడ్ హీరో విజయ్ తో కత్తి.. తెరి వంటి సూపర్ హిట్ చిత్రాలకు.. రాజా రాణి వంటి మూవీస్ కి పని చేశాడు. త్వరలో ఈ చిత్రంలో సెట్స్ మీదకు వెళ్లనున్నట్లు తెలుస్తోంది. రాక్ స్టార్ దేవిశ్రీ ప్రసాద్ ను మ్యూజిక్ డైరెక్టర్ గా తీసుకున్నారు.

ప్రస్తుతం శ్రీను వైట్ల దర్శకత్వంలో మిస్టర్.. శేఖర్ కమ్ముల డైరెక్షన్ లో ఫిదా చిత్రాల్లో నటిస్తున్న వరుణ్ తేజ్ అవి పూర్తి చేయగానే.. వెంకీ అట్లూరితో మూవీ ప్రారంభించనున్నాడు. వెంకీ అట్లూరి తొలిసారిగా డైరెక్షన్ చేస్తున్నా.. వరుణ్ తేజ్ ఫాలో అవుతున్న రొమాంటిక్ డ్రామా జోనర్ లోనే ఈచిత్రాన్ని చేయనున్నాడట.

Like Us on Facebook : https://www.facebook.com/Tupakidotcom/