క్రాక్ సాంగ్.. `భ‌లేగా త‌గిలావే బంగారం` మాస్ ఎన‌ర్జీ

మాస్ మహారాజ్ రవితేజ- శ్రుతిహాస‌న్ జంట‌గా న‌టిస్తున్న‌ తాజా చిత్రం `క్రాక్`. గోపీచంద్ మలినేని దర్శకత్వం వ‌హిస్తున్నారు. నిజ‌ సంఘటనల ఆధారంగా రూపొందుతున్న ఈ చిత్రంలో రవితేజ పవర్ ఫుల్ పోలీస్ ఆఫీసర్ ‌గా న‌టిస్తున్నారు. ఇప్పటికే షూటింగ్ పూర్తి చేసుకున్న ఈ చిత్రాన్ని వచ్చే సంక్రాంతికి థియేటర్లలో విడుదల చేయనున్నారు.

తాజాగా క్రాక్ నుంచి మరో సాంగ్ విడుదలైంది. `భలేగా తగిలావే బంగారం..` అంటూ మాస్ పెప్పీ సాంగ్ ‌ని తాజాగా విడుద‌ల చేశారు. ఈ పాట‌లో మాస్ మ‌హారాజ్ ర‌వితేజ ఎన‌ర్జీ.. శ్రుతిహాస‌న్ స్పైసీ లుక్ హైలైట్. పాట కొరియోగ్ర‌ఫీ విధానం చూపించ‌గా.. మ్యూజిక్ డైరెక్టర్ ఎస్.ఎస్ తమన్ స్వరపరిచిన ఈ పాట చార్ట్ బ‌స్ట‌ర్ గా నిల‌వ‌డం ఖాయంగా క‌నిపిస్తోంది. యంగ్ సెన్సేషనల్ మ్యూజిక్ డైరెక్టర్ అనిరుధ్ ఈ పాట‌ను ఆల‌పించారు. పాట ఆద్యంతం మాస్ ఎన‌ర్జీ ఆక‌ట్టుకుంది.

ఇద్దరు టాప్ మ్యూజిక్ డైరెక్టర్స్ కలిసి చేసిన పాట కావ‌డంతో అంతే గ్రిప్పింగ్ గా ఆక‌ట్టుకుంది. 2020 సంక్రాంతి బ‌రిలో రిలీజైన అల వైకుంఠ‌పుర‌ములో చిత్రానికి త‌మ‌న్ చార్ట్ బ‌స్ట‌ర్ సాంగ్స్ ని ఇచ్చారు. ఇప్పుడు ఆయ‌న క్రాక్ కోసం అంతే గ్రిప్పింగ్ పాట‌ల్ని అందిస్తున్నార‌ని అర్థ‌మ‌వుతోంది. సరస్వతి ఫిలిమ్స్ డివిజన్ బ్యానర్ పై ఠాగూర్ మధు ఈ చిత్రాన్ని నిర్మిస్తున్నారు. ఇందులో వరలక్ష్మి శరత్ కుమార్ - సముద్రఖని కీలక పాత్రల్లో కనిపించనున్నారు.