కోటికి పైగా వ్యూస్ తో దూసుకుపోతున్న 'గని' ట్రైలర్..!

మెగా ప్రిన్స్ వరుణ్ తేజ్ హీరోగా నటించిన లేటేస్ట్ మూవీ ''గని''. కొత్త దర్శకుడు కిరణ్ కొర్రపాటి తెరకెక్కించిన ఈ సినిమాలో వరుణ్ సరసన బాలీవుడ్ బ్యూటీ సైఈ మంజ్రేకర్ హీరోయిన్ ‏గా నటిస్తోంది.

బాక్సింగ్ బ్యాక్ డ్రాప్ లో రాబోతున్న 'గని' చిత్రంలో వరుణ్ ప్రొఫెషనల్‌ బాక్సర్‌ గా కనిపించనున్నారు. ఇప్పటికే ఈ సినిమా నుంచి విడుదలైన పోస్టర్లు - టీజర్లు మరియు పాటలకు మంచి స్పందన లభించింది.

ఈ క్రమంలో ఇటీవల రిలీజ్ చేయబడిన 'గని' ట్రైలర్ సోషల్ మీడియాలో దూసుకుపోతోంది. లవ్ - యాక్షన్ - ఎమోషన్ ను చూపిస్తూ.. ముఖ్య పాత్రలన్నింటినీ కవర్ చేస్తూ కట్ చేసిన ఈ ట్రైలర్ ఫ్యాన్స్ ని విపరీతంగా ఆకట్టుకుంది.. సినిమాపై అంచనాలు పెంచేసింది.

మ్యూజిక్ డైరెక్టర్ ఎస్ఎస్ థమన్ కంపోజ్ చేసిన బ్యాగ్రౌండ్ స్కోర్ దీనికి ప్రధానఆకర్షణగా నిలిచింది. తాజాగా 'గని' ట్రైలర్ 10 మిలియన్లకు పైగా డిజిటల్ వ్యూస్ రాబట్టి సెన్సేషన్ క్రియేట్ చేసినట్లు మేకర్స్ ప్రకటించారు.

అల్లు అరవింద్ సమర్పణలో అల్లు బాబీ కంపెనీ మరియు రెనసాన్స్ పిక్చర్స్ బ్యానర్స్ పై 'గని' చిత్రాన్ని రూపొందిస్తున్నారు. అల్లు వెంకటేష్ (బాబీ) - సిద్దు ముద్ద నిర్మాతలుగా వ్యవహరిస్తున్నారు.

ఇందులో ఉపేంద్ర - సునీల్ శెట్టి - జగపతిబాబు - నదియా - నరేష్ - తనికెళ్ళ భరణి - నవీన్ చంద్ర వంటి పాపులర్ నటీనటులు కీలక పాత్రలు పోషించారు. అబ్బూరి రవి ఈ సినిమాలో మాటలు రాశారు.

జార్జ్ సి విలియమ్స్ సినిమాటోగ్రఫీ అందించగా.. రవీందర్ ఆర్ట్ డైరెక్టర్ గా వర్క్ చేశారు. మార్తాండ్ కె. వెంకటేష్ ఎడిటింగ్ బాధ్యతలు నిర్వహించారు.

ఇప్పటికే అన్ని కార్యక్రమాలు పూర్తి చేసుకుని రిలీజ్ కు రెడీ అయిన 'గని' చిత్రానికి 'యూ/ఏ' (U/A) సర్టిఫికేట్ వచ్చింది. ఈ యాక్షన్ స్పోర్ట్స్ డ్రామా ప్రపంచ వ్యాప్తంగా ఏప్రిల్ 8న గ్రాండ్ గా విడుదల కాబోతోంది.

'గద్దల కొండ గణేష్' 'ఎఫ్ 2' వంటి రెండు బ్యాక్ టూ బ్యాక్ హిట్స్ తర్వాత వరుణ్ తేజ్ నుంచి రాబోతున్న 'గని'.. హ్యాట్రిక్ విజయాన్ని అందిస్తుందని అభిమానులు భావిస్తున్నారు.