గోవా వెకేష‌న్ ముగించి చార్ట‌ర్డ్ విమానంలో దిగిన మ‌హేష్ అండ్ ఫ్రెండ్స్

టాలీవుడ్ లో ప‌లువురు స్టార్లు సొంతంగా చార్టర్డ్ విమానాలను క‌లిగి ఉన్నార‌ని ప్ర‌ముఖ మీడియాల్లో క‌థ‌నాలొచ్చిన సంగ‌తి తెలిసిందే. కుటుంబ వేడుక‌లు వెకేష‌న్ల‌కు అర్జెంట్ నీడ్స్ కి వీటిని స‌ద‌రు సెల‌బ్రిటీలు వినియోగిస్తున్నారు.

క‌రోనా క్రైసిస్ నేప‌థ్యంలో చార్ట‌ర్డ్ విమాన‌ ప్ర‌యాణాలు మ‌రీ ఎక్కువ‌య్యాయి. కార్ లో వెళ్లినంత ఈజీగా విమాన‌యానాల‌కు సెల‌బ్రిటీలు సిద్ధ‌మ‌వుతున్నారు. సొంత ప్ర‌యాణ ఒప్పందాల మేర‌కు విమానాల‌ను విరివిగా వినియోగించ‌గ‌లుగుతున్నారు.

ఇటీవ‌ల స‌ర్కార్ వారి పాట చిత్రీక‌ర‌ణ‌లో బిజీ అయిన మ‌హేష్ కొంత విరామం తీసుకుని త‌న స్నేహితుడు వంశీ పైడిప‌ల్లి కుటుంబంతో వెకేష‌న్ ని ప్లాన్ చేశారు. మ‌హేష్ - పైడిప‌ల్లి కుటుంబాలు క‌లిసి ఈ వెకేష‌న్ ని ఆస్వాధించి తిరిగి చార్ట‌ర్డ్ ఫ్టైల్ లో హైద‌రాబాద్ లో దిగారు. అందుకు సంబంధించిన ఫోటోలు వైర‌ల్ గా మారాయి. ఇక వీళ్ల‌తో పాటు మ‌హేష్ కుమార్తె బేబి సితార .. వంశీ పైడిప‌ల్లి గారాల డాట‌ర్ ఆద్య కూడా ఉన్నారు. ఇంత‌కీ ఈ బృందం ఎక్క‌డికి వెళ్లారు? అంటే.. బీచ్ సొగ‌సుల గోవా విజిట్ కి వెళ్లార‌ని తెలిసింది.

వెకేష‌న్ ముగిసింది. ఈ వెకేష‌న్ లో మ‌హేష్ - పైడిప‌ల్లి మ‌ధ్య ఎలాంటి చ‌ర్చ‌లు సాగాయి? అంటే దానికి సంబంధించిన వివ‌రాలు వెల్ల‌డి కావాల్సి ఉంది. మ‌హ‌ర్షి త‌ర్వాత వెంట‌నే పైడిప‌ల్లితో సినిమా చేయాల్సి ఉన్నా స్క్రిప్టు స‌రైనది కుద‌ర‌క‌పోవ‌డంతో మ‌హేష్ ఆ త‌ర్వాత ప‌ర‌శురామ్ తో స‌ర్కార్ వారి పాట సెట్స్ కి వెళ్లారు. త‌దుప‌రి త్రివిక్ర‌మ్ తో ప్రాజెక్ట్ కి క‌మిట‌య్యారు. ఆ త‌ర్వాత అయినా పైడిప‌ల్లికి అవ‌కాశం ఉంటుందేమో చూడాలి. అయితే మ‌హేష్ చ‌రిష్మాకి ధీటైన పాపులారిటీ ఉన్న గ్రేట్ కోలీవుడ్ స్టార్ ద‌ళ‌ప‌తి విజ‌య్ తో పైడిప‌ల్లి సినిమా చేస్తున్న సంగ‌తి తెలిసిందే. దిల్ రాజు ఈ చిత్రాన్ని నిర్మిస్తున్నారు. ఇది ద్విభాషా చిత్రంగా ఉంటుంది. ఈ ప్రాజెక్టుకు సంబంధించిన తాజా అప్ డేట్స్ రావాల్సి ఉంది.