‘ఘాజీ’ని ముందే చూపిస్తారట

రిలీజ్ కు ముందే కొంత మంది కామన్ ఆడియన్స్ కు సినిమా చూపించి వారి అభిప్రాయాలను తీసుకోవడం హాలీవుడ్.. బాలీవుడ్లలో జరుగుతూ వుంటుంది. ఈ ట్రెండ్ తెలుగులో కూడా ‘పెళ్లిచూపులు’ సినిమాతో ప్రారంభమైందని చెప్పొచ్చు. ఏదైనా కాన్సెప్ట్ బేస్డ్ గా తెరకెక్కిన చిత్రాలను ఇలా ముందుగానే కొంత మంది సెలెక్టెడ్ పీపుల్స్ కి చూపించి.. ప్రచారం పొందడం ఇటీవల సాధారణమైంది. ఇప్పుడు రానా సినిమా ‘ఘాజీ’ని కూడా ఈనెల 15వ తేదీన ఆంధ్రప్రదేశ్.. తెలంగాణ రాష్ట్రాల్లో మూడు చోట్ల సెలెక్టెడ్ ఆడియన్స్ కి ఈ సినిమాను చూపించడానికి రెడీ అయింది చిత్ర బృందం.

తెలంగాణలో హైదరాబాద్.. ఏపీలో విజయవాడ.. విశాఖపట్నం సిటీస్ లో ఈ చిత్రాన్ని ముందుగా ఆడియన్స్ కి చూపించబోతున్నట్లు సమాచారం. పీవీపీ సినిమా అధినేత ప్రసాద్ వి.పొట్లూరి.. మాట్నీ ఎంటర్టైన్ మెంట్ అధినేత నిరంజన్ రెడ్డి కలిసి ఈ చిత్రాన్ని నిర్మిస్తున్నారు. వీరిద్దరూ ఈ ప్రివ్యూ షోల గురించి ఇప్పటికే వర్క్ ప్రారంభించినట్టు సమాచారం.

ఇలా ముందే షోలు వేసి చూపించడం వల్ల ఒక వేళ పాజిటివ్ టాక్ వస్తే మాత్రం.. సోషియల్ మీడియాలో పాజిటివ్ ప్రచారం వస్తుంది. అదే ట్రెండ్ అవుతుంది. సినిమాకు ఓపినింగ్స్ బాగుంటాయి. దీన్ని నిర్మాతలు ఫాలో కావాలని చూస్తున్నారు. చూడాలి.. మరి ‘ఘాజీ’కి ఈ షోల వల్ల ఏమాత్రం పాజిటివ్ బజ్ వస్తుందో!?

Like Us on Facebook : https://www.facebook.com/Tupakidotcom/