వెంకీ వాటేసుకున్నాక భయం పోయిందట

సంగీత దర్శకుడు గిబ్రాన్ ను.. అపార ప్రతిభావంతుడు అంటారు సినీ పరిశ్రమ జనాలు. ఎందుకో టాప్ లీగ్ లో గిబ్రాన్ పేరు వినిపించదు కానీ.. ఈయన మ్యూజిక్ ఇచ్చిన మూవీస్ మాత్రం ఆ రేంజ్ కి ఏ మాత్రం తీసిపోవు. రన్ రాజా రన్, జిల్ గిబ్రాన్ ఇచ్చిన సంగీతమే హైలైట్ గా నిలిచిందనడంలో ఏ మాత్రం సందేహం అక్కర్లేదు. ప్రస్తుతం వెంకీ సినిమాకు సంగీతం సమకూర్చడంలో బిజీగా ఉన్నాడు ఈ కంపోజర్.

మారుతీ దర్శకత్వంలో వెంకటేష్, నయతారలు నటిస్తున్న 'బాబు బంగారం' చిత్రానికి గిబ్రాన్ మ్యూజిక్ ఇవ్వనున్నాడు. ఈ మూవీకి తనని ఎంపిక చేసినప్పటి సంగతులను పంచుకున్నాడు ఆ ట్యాలెంటెడ్ టెక్నీషియన్. 'వెంకటేష్ సార్ సినిమాకి మ్యూజిక్ ఇవ్వాలని నాకు పిలుపు వచ్చినపుడు స్టన్ అయిపోయాను. వర్క్ ప్రారంభించేందుకు ముందు మేమందరం కలిశాం. ఆ సమయంలో వెంకీ సార్ నాకు ఓ స్ట్రాంగ్ హగ్ ఇచ్చారు. అంతే అప్పటివరకూ నాలో ఉన్న టెన్షన్ అంతా పోయింది' అని చెప్పాడు గిబ్రాన్

వెంకటేష్ తనను వాటేసుకుని ధైర్యం చెప్పాక.. బాగా కూల్ అయిపోయడట. ప్రస్తుతం బాబు బంగారం మ్యూజిక్ చాలా బాగా వస్తోందని అంటున్నాడు. ఈ మూవీతో పాటు ప్రభాస్-సుజీత్ ల కాంబినేషన్ లో రానున్న ముూవీకి కూడా గిబ్రాన్ మ్యూజిక్ ఇవ్వనున్నాడు.