షూటింగ్ పూర్తిచేసిన ఆడ‌వాళ్లు!

శ‌ర్వానంద్-రష్మిక మంద‌న్న జంట‌గా కిషోర్ తిరుమ‌ల ద‌ర్శ‌క‌త్వంలో `ఆడ‌వాళ్లు మీకు జోహార్లు` తెర‌కెక్కుతోన్న సంగ‌తి తెలిసిందే. వెట‌ర‌న్ న‌టులు ఖ‌ష్బూ..రాధికా శ‌రత్ కుమార్..ఉర్వ‌శి కీల‌క పాత్ర‌లు పోషిస్తున్నారు. కిషోర్ మార్క్ రొమాంటిక్ కామెడీ చిత్రంగా తెర‌కెక్కుతోంది. కోవిడ్ కార‌ణంగా షూటింగ్ బాగా డిలే అయిన సంగ‌తి తెలిసిందే. సినిమా చాలా కాలం క్రితం ప్రారంభ‌మైనా క‌రోనాతో ఇబ్బ‌ద‌లు త‌ప్ప‌లేదు.

తాజాగా ఎట్ట‌కేల‌కు ఆడ‌వాళ్లు షూటింగ్ పూర్తిచేసుకుంది. ఈ సంద‌ర్భంగా రాధిక సెట్స్ నుంచి ఓ ఆడ‌వాళ్లు అంతే కే చోట జ‌మ అయిన ఫోటోని అభిమానుల‌కు షేర్ చేసారు.

ప‌క్కాగా టైటిల్ కి యాప్ట్ అయ్యేలా ఆడ‌వాళ్లు అంతా క‌లిసి ఓ ఫోటో దిగిన‌ట్లు తెలుస్తోంది. ఇందులో రాధిక‌..ఊర్వ‌శి...క‌ళ్యాణి న‌ట‌రాజ‌న్..స‌త్య కృష్ణ‌న్..త‌దిత‌ర‌లు ఈ ఫోటోలో భాగ‌మ‌య్యారు. అంతా చీర‌ల్లోనే ఉన్నారు. ఇందులో ఖుష్బూ మిస్ అయ్యారు. ఇది షూటి్ కి సంబంధించిన ఫోటోలా ఉంది. అంతా క‌లిసి భోజ‌నాలు చేసే డైనింగ్ టేబుల్ స‌న్నివేశంలా అనిపిస్తోంది.

స‌న్నివేశం ఏదైనా ఫోటోలో మ‌హిళ‌లంతా సీనియ‌ర్లే. హీరోయిన్ ర‌ష్మిక మంద‌న్న కి సీనియ‌ర్ గ్రూప్ ఫోటోలో అవ‌కాశం ఇవ్వ‌లేదు. అలాగే శ‌ర్వానంద్-రాధిక‌ను ఆలింగనం చేసుకుంటోన్న పిక్ కూడా ఒక‌టి ఉంది. మ‌రోవైపు కోరియోగ్రాఫ‌ర్ రాజు సుంద‌రం ఈ లేడీ గ్యాంగ్ తో జాయిన్ అయ్యారు.

ప్ర‌స్తుతం ఈ ఫోటోలు నెట్టింట వైర‌ల్ గా మారాయి. షూటింగ్ పూర్త‌యిన సంద‌ర్భంగా చివ‌రి రోజున టీమ్ ఇలా క‌లిసి ఫోటోలు దిగిన‌ట్లు క‌నిపిస్తోంది. ఇక చిత్రాన్ని ఫిబ్ర‌వ‌రి 25న రిలీజ్ చేయ‌డానికి యూనిట్ అవుతోంది. సినిమా ప్రారంభ‌మైన ద‌గ్గ‌ర నుంచి పోస్ట్ ప్రొడ‌క్ష‌న్ ప‌నులు ఎప్ప‌టిక‌ప్పుడు వేగంగా జ‌రిగిపోయాయి.

దీంతో నిర్మాణానంత‌ర ప‌నులు బ్యాలెన్స్ షూట్ వి మాత్ర‌మే ఉన్నాయి. రిలీజ్ కి ఇంకా ప‌ది రోజులే స‌మ‌యం ఉంది. ఈ స‌మ‌యంలో ప్ర‌చారం ప‌నులు పూర్తిచేయాలి. ఈ చిత్రానికి రాక్ స్టార్ దేవి శ్రీ ప్ర‌సాద్ సంగీతం అందిస్తున్నారు. శ్రీ ల‌క్ష్మి వెంక‌టేశ్వ‌ర‌ సినిమాస్ పై సుధాక‌ర్ చెరుకూరి నిర్మిస్తున్నారు.