'10మిలియన్స్ క్లబ్'లో చేరిన గ్లామరస్ జ్వాలారెడ్డి సాంగ్..!

సినీ ఇండస్ట్రీలో ఈ మధ్యన సినిమా రిలీజ్ అయ్యేవరకు రిలీజ్ డేట్ అనేది నమ్మేలా లేదు. ఎందుకంటే అలా రిలీజ్ డేట్ దగ్గరపడిందని అనుకుంటామో లేదో సినిమాలు ఏదో ఒక కారణంతో వాయిదా పడుతున్నాయి. కానీ ఒకసారి రిలీజ్ వాయిదా పడితే మాత్రం మళ్లీ అంతే కంఫర్ట్ డేట్ దొరకాలంటే చాలా కష్టమనే విషయం తెలిసిందే. ప్రస్తుతం టాలీవుడ్ లో అలా అలాంటి వాయిదాపడిన సినిమా 'సీటిమార్'. హీరో గోపీచంద్ హీరోగా నటించిన ఈ సినిమా ఏప్రిల్ 2న విడుదల కానుందని అధికారికంగా డేట్ ప్రకటించారు మేకర్స్. తీరా రిలీజ్ టైం దగ్గర పడేసరికి విడుదలను వాయిదా వేస్తున్నట్లు చెప్పేసారు. కారణాలు తెలియదు కానీ మళ్లీ రిలీజ్ ఎప్పుడనేది ఎవ్వరికి క్లారిటీ లేకుండా పోయింది. ఇంతలో కరోనా సెకండ్ వేవ్ చెలరేగింది. కరోనా దెబ్బకు విడుదలకు సిద్ధమైన సినిమాలన్ని వాయిదా పడ్డాయి. అయితే ఇప్పటికే టీజర్, పాటలతో మంచి బజ్ క్రియేట్ చేసిన సీటిమార్ సినిమా పై ప్రేక్షకులలో ఓ స్థాయి అంచనాలు నెలకొన్నాయి.

కానీ చివరిలో మేకర్స్ షాకింగ్ న్యూస్ చెప్పేసరికి అందరూ చల్లబడిపోయారు. కానీ సీటిమార్ పాటలు మాత్రం ఓ రేంజిలో మోత మోగుతూనే ఉన్నాయి. ఇదిలా ఉండగా.. సీటిమార్ సినిమాలోని మాస్ సాంగ్ 'జ్వాలారెడ్డి' తాజాగా 10మిలియన్స్ వ్యూస్ దక్కించుకుంది. మార్చ్ 12న రిలీజ్ చేసిన ఈ లిరికల్ వీడియో సాంగ్ యూట్యూబ్ వేదికగా 10మిలియన్స్ వ్యూస్ దక్కించుకోవడంతో మేకర్స్ సంతోషం వ్యక్తం చేస్తున్నారు. అలాగే గ్లామరస్ బ్యూటీ తమన్నా ఫ్యాన్స్ కూడా ఫుల్ ఖుషీ అవుతున్నారు. మిల్కీబ్యూటీ అందాలు ఈ జ్వాలారెడ్డి పాటలో హైలైట్ కాబోతున్నాయి. మణిశర్మ సంగీతం అందించిన ఈ సినిమాను సంపత్ నంది తెరకెక్కించాడు. శ్రీనివాస్ చిట్టూరి నిర్మించారు. ఈ సినిమా కబడ్డీ నేపథ్యంలో తెరకెక్కింది. చూడాలి మరి ఎప్పుడు విడుదలకు సిద్ధం అవుతుందో!