బికినీ అంటే ఇలియానా.. ఇలియానా అంటే బికినీ

బికినీ బీచ్ సెల‌బ్రేష‌న్స్ అంటే ముందుగా గుర్తుకొచ్చే పేరు ఇలియానా. ఈ గోవా బ్యూటీ నిరంత‌రం స‌ముద్ర తీరం బీచ్ సెల‌బ్రేష‌న్స్ అంటే ప‌డి చ‌స్తుంది. ఛాన్స్ దొర‌కాలే కానీ వెంట‌నే బికినీ బీచ్ లో వాలిపోయి బోలెడంత సంద‌డి చేస్తుంది. ఇప్పుడు పుట్టిన‌రోజు సంద‌ర్భంగా కొద్దిరోజులుగా ఇలియానా త‌న కొత్త స్నేహితుల‌తో క‌లిసి బీచ్ సెల‌బ్రేష‌న్స్ లో మునిగి తేల్తోంది.

తాజాగా రివీలైన ఫోటోల బంచ్ ని ప‌రిశీలిస్తే .. బికినీ అంటే ఇలియానా ఇలియానా అంటే బికినీ అని అంగీక‌రించ‌క త‌ప్ప‌దు. తన పుట్టినరోజున‌ శుభాకాంక్షలు తెలియ‌జేసిన తన స్నేహితులు అభిమానులకు కృతజ్ఞతలు తెలిపిన ఇల్లీ స‌న్ కిస్డ్ బికినీ ఫోటోను షేర్ చేసింది. ఇలియానా వైట్ అండ్ వైట్ బికినీలో బీచ్‌ ఇసుకలో మోకరిల్లి క‌నిపించింది. దీనికి ఆస‌క్తిక‌ర క్యాప్ష‌న్ రాసింది. ''నా పుట్టినరోజున నేను చాలా ప్రేమను పొందాను. ఈసారి పుట్టిన‌రోజున‌ నా కుటుంబం.. నేను ఇప్పుడు నా స్నేహితులు అని పిలుస్తున్న కొంతమంది అద్భుతమైన కొత్త వ్యక్తులతో గడిపాను. నేను మరికొన్ని ఫోటోల‌ను షేర్ చేస్తాను కానీ ప్రస్తుతానికి ఈ విధంగా అనుభూతి చెందుతూ దీనిని అదృష్టంగా భావిస్తున్నాను. అలాగే న‌న్ను ఎంతో అందంగా మనోహరంగా చూపించే ఫోటోలు తీసినందుకు V కి ధన్యవాదాలు.. @విహాన్ స‌మ‌త్..'' అంటూ సుదీర్ఘ నోట్ ని రాసింది.

ఇలియానా డి క్రూజ్ ర‌కర‌కాల బికినీల‌తో బీచ్ ప‌రిస‌రాల్లో ప్ర‌త్య‌క్ష‌మైంది. ఎరుపు-తెలుపు బికినీల‌తో బీచ్ లో స్నేహితులతో క‌లిసి సందడి చేసిన ఫోటోలు వైర‌ల్ గా మారాయి. ఇల్లీ ఈ ఫోటోల‌ను షేర్ చేసిన వెంటనే అభిమానుల‌ నుండి లైక్ లు కామెంట్ లు వెల్లువెత్తాయి. త‌న‌ని ఆరాధిస్తూ ఒక‌ అభిమాని ఒకరు ఇలా రాశారు. ''మీరు చాలా అసాధారణమైన.. అందమైన.. ఆకర్షణీయమైన .. ఆహ్లాదకరమైన మహిళ. చాలా హాట్ గా ఉంటారు. మీకు నేను ఎప్పుడూ పెద్ద అభిమానిని'' అని రాసాడు. మరికొందరు ఈ పోస్ట్ పై ఫైర్ ఎమోజీలతో ప్రేమ‌ను కురిపించారు.

ఇటీవ‌ల సౌత్ లో కెరీర్ దాదాపుగా ముగిసిన త‌ర్వాత ఇలియానా పూర్తిగా బాలీవుడ్ కే ప‌రిమిత‌మైంది. ఇలియానా చివరిసారిగా ది బిగ్ బుల్ చిత్రంలో కనిపించింది. అన్‌ఫెయిర్ & లవ్లీ అనే చిత్రంలోనూ న‌టిస్తోంది. ర‌ణదీప్ హుడాతో క‌లిసి తొలిసారి న‌టిస్తోంది.

క‌త్రిన సోద‌రుడితో డేటింగ్ ..ఇలియానా డి క్రజ్ కొత్త ప్రేమాయ‌ణం ఇటీవ‌ల హాట్ టాపిక్ గా మారిన సంగ‌తి తెలిసిందే. స్టార్ హీరోయిన్ కత్రినా కైఫ్ సోదరుడు సెబాస్టియన్ లారెంట్ మిచెల్ ను ఇలియానా పెళ్లి చేసుకోబోతోందంటూ ప్ర‌చారం సాగుతోంది. సెబాస్టియన్ తో ఇలియానా సాన్నిహిత్యం పై బాలీవుడ్ మీడియాలో వ‌రుస క‌థ‌నాలొస్తున్నాయి. జూలై 16న జరిగిన కత్రిన పుట్టినరోజు వేడుకలో కత్రినా తన భర్త విక్కీ కౌశల్.. ఇలియానా బృందం మాల్దీవుల్లో సెబాస్టియన్ తో కలిసి ఎంజాయ్ చేస్తున్న ఫోటోలు వైర‌ల్ అయ్యాయి. ఈ ఫోటోల్లో సెబాస్టియ‌న్ తో ఇలియానా సాన్నిహిత్యం చూశాక‌.. దీనిపై ఆరాలు మొద‌ల‌య్యాయి.

బీచ్ సెల‌బ్రేష‌న్ వైరల్ గా మారిన వెంటనే ఇలియానాతో కత్రినా అసాధారణ స్నేహం గురించి ర‌క‌ర‌కాల‌ ఊహాగానాలు కొన‌సాగాయి. అటుపై కత్రినా సోదరుడు.. మోడల్ సెబాస్టియన్ తో ఇలియానా సన్నిహితంగా మెలుగుతోంద‌ని దీనివ‌ల్ల‌నే ఇద్దరు నటీమణులు (క‌త్రిన‌-ఇలియానా) ద‌గ్గ‌ర‌య్యార‌ని అది స్నేహానికి దారితీసిందని ముంబై మీడియా క‌థ‌నాలు రాసింది. ఇటీవ‌ల‌ సెబాస్టియన్ ను ఇలియానా పెళ్లి చేసుకోబోతోందన్న పుకారు దావానలంలా వ్యాపించింది.

దాదాపు ఏడెనిమిది నెలలుగా రిలేషన్ షిప్ ని కొన‌సాగిస్తున్న ఈ జంట మీడియా కంటికి చిక్క‌కుండా దోబూచులాడుతోంద‌ని ముంబై మీడియాలో క‌థ‌నాలు వ‌చ్చాయి. ఇలియానా- సెబాస్టియన్ కత్రినా బాంద్రా ఇంట్లో (పాత ఇల్లు) లేదా ఇలియానా నివాసంలో ఒకరితో ఒకరు త‌మ విలువైన‌ సమయాన్ని గడుపుతున్నార‌ని కూడా క‌థ‌నాలొచ్చాయి. ముంబై మీడియా క‌థ‌నాలు నిజ‌మే అయితే.. ఈ జంట త్వరలో ఓ ఇంటివాళ్ల‌య్యే అవకాశం ఉంద‌ని గుసగుస‌లు వినిపిస్తున్నాయి. ఇటీవ‌ల కాఫీ విత్ క‌ర‌ణ్ కొత్త సీజ‌న్ లో క‌ర‌ణ్ జోహార్ ఇలియానా డేటింగ్ వ్య‌వ‌హారాన్ని క‌న్ఫామ్ చేశారు. అయితే ఇప్పుడు బికినీ బీచ్ సెల‌బ్రేష‌న్స్ లో ఇలియానాతో ఈ కొత్త బోయ్ ఫ్రెండ్ ఉన్నాడా లేడా? అన్న‌ది ఇంకా రివీల్ కావాల్సి ఉంది. ఇప్ప‌టివ‌ర‌కూ సెబాస్టియ‌న్ తో క‌లిసి ఉన్న ఫోటోల‌ను రివీల్ చేయ‌లేదు కానీ.. ఈసారి వేడుక‌లో కొత్త స్నేహితుల‌తో గ‌డ‌పాల్సి వ‌చ్చింది! అంటూ ఇలియానా హింట్ కూడా ఇచ్చింది. ఇంత‌కీ ఈ స్నేహితుల బృందంలో త‌న కొత్త ప్రియుడు ఉన్నాడా లేడా? అన్న‌ది తేలాల్సి ఉంది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.