అనుకు ఓ మంచి పాత్ర పడిందట

అను ఎమాన్యూల్‌ హీరోయిన్ గా కెరీర్‌ ఆరంభంలో అల్లు అర్జున్‌.. పవన్‌ కళ్యాణ్ వంటి స్టార్స్ తో నటించే అవకాశం దక్కించుకుంది. అయినా కూడా కెరీర్ లో ఆమె స్టార్‌ గా నెగ్గలేక పోయింది. ఇండస్ట్రీలో ఆమె వరుసగా ప్లాప్‌ లు చవి చూడటంతో ఇక కెరీర్‌ ఖతం అనుకుంటున్న సమయంలో అనూహ్యంగా ఈమెకు ఆఫర్‌ దక్కింది. తెలుగు లో ఈమె ఒక మంచి కమ్‌ బ్యాక్‌ అన్నట్లుగా మహా సముద్రం సినిమాతో ఇవ్వబోతున్నట్లుగా తెలుస్తోంది. ఈమె పాత్ర ఏంటీ.. మహా సముద్రంలో ఈమెకు ఇస్తున్న ప్రాముఖ్యత ఎంత అంటూ చాలా మంది చాలా రకాలుగా అనుకుంటూ ఉన్నారు. ఇలాంటి సమయంలో అను ఎమాన్యూల్‌ మహా సముద్రంలో ఏంటీ అంటూ ఒక క్లారిటీ వచ్చింది.

మహా సముద్రం సినిమాలో అను ఎమాన్యూల్‌ ఒక లాయర్ పాత్రలో కనిపించబోతుందట. కథ మొత్తం కూడా అదితి రావు హైదరి చుట్టు తిరుగుతుందని అంటున్నారు. అయినా కూడా అను పాత్రకు చాలా ప్రాముఖ్యత ఉంటుందని ఇండస్ట్రీ వర్గాల వారు అంటున్నారు. ప్రస్తుతం ఈ సినిమా ప్రమోషన్ కోసం ఆమె చాలా కష్టపడుతోంది. హీరోయిన్ గా ఆమెకు ఈ సినిమా ఎంత వరకు మంచి పేరు తీసుకు వస్తుంది అనేది చూడాలి. ప్రస్తుతం తెలుగులో ఆమె చేస్తున్న సినిమాలు ఏమీ లేవు. అయినా కూడా ఆమె ఈ సినిమాపై నమ్మకం పెట్టుకుని వెయిట్ చేస్తోంది.

మహా సముద్రం సినిమా కనుక సక్సెస్ అయ్యి అను పాత్రకు కాస్త గుర్తింపు వచ్చినా కూడా ఖచ్చితంగా తెలుగు లో ఈమెకు వరుసగా ఆఫర్లు వస్తాయనే టాక్‌ నడుస్తోంది. వరుస సినిమాలు మరియు వెబ్‌ సిరీస్ లు ఈమె కోసం వెయిట్‌ చేస్తున్నాయంటూ కొందరు అభిప్రాయం వ్యక్తం చేస్తుంటే మరి కొందరు మాత్రం ఈమె కు మహాసముద్రం అయినా గుర్తింపు దక్కించుకుంటుంది అనే నమ్మకం లేదు. ఈ సినిమాలో జగపతి బాబు మరియు రావు రమేష్‌ లు కీలక పాత్రలో నటించారు. శర్వానంద్ మరియు సిద్దార్థ్ లు హీరోలుగా నటించిన ఈ సినిమా దసరా కానుకగా ప్రేక్షకుల ముందుకు రాబోతున్న విషయం తెల్సిందే.