మ‌ళ్లీ విడుద‌ల‌కు సిద్ధ‌మైన 'గుడ్ లక్ సఖి'..రిలీజ్ డేట్ ఇదే!

కీర్తి సురేష్ ప్ర‌ధాన‌ పాత్ర‌లో నాగేష్ కుకునూర్ ద‌ర్శ‌క‌త్వంలో తెర‌కెక్కిన చిత్ర‌మే `గుడ్ ల‌క్ స‌ఖి`. ఆది పినిశెట్టి, జగపతి బాబు కీల‌క పాత్ర‌ల‌ను పోషించారు. వర్త్ ఏ షాట్ మోషన్ ఆర్ట్స్ బ్యానర్‌పై సుధీర్ చంద్ర పదిరి నిర్మించిన ఈ చిత్రానికి దేవీశ్రీ ప్రసాద్ సంగీతం అందించారు. భారీ అంచ‌నాల న‌డుమ జ‌న‌వ‌రి 28న ఈ చిత్రం విడుద‌లైంది.

చిన్న‌ప్ప‌టి నుంచీ అంద‌రి చేత‌ బ్యాడ్ ల‌క్ స‌ఖి అనిపించుకున్న‌ ఓ పేదింటి అమ్మాయి దేశం గర్వించదగ్గ షూటర్ గా ఎలా ఎదిగింది అన్న‌దే గుడ్ లక్ సఖి సినిమా.

జీవితంలో గెలవాలంటే లక్కుని నమ్ముకోవాలా..? లేక ప్రతిభనా..? అన్న పాయింట్ చుట్టూనే ఈ సినిమా న‌డుస్తుంది. అయితే క‌థ బాగానే ఉన్నా క‌థ‌నం స‌రిగ్గా లేక‌పోవ‌డం వ‌ల్ల ఈ సినిమా బాక్సాఫీస్ వ‌ద్ద ఘోరంగా బోల్తా ప‌డింది. దీంతో నిర్మాత‌ల‌కు భారీ న‌ష్టాలు మిగిలాయి.

ఇక‌పోతే ఈ సినిమా మ‌ళ్లీ విడుద‌ల‌కు సిద్ధం అవుతోంది. ఇటీవ‌ల రోజుల్లో థియేటర్‌లో రిలీజైన‌ సినిమాలు కొద్ది రోజుల త‌ర్వాత‌ ఓటీటీలోకి రావడం సర్వసాధారణమైపోయింది. ఈ నేప‌థ్యంలోనే గుడ్ ల‌క్ స‌ఖి చిత్రం ఓటీటీలోకి వ‌చ్చేందుకు ముస్తాబ‌వుతోంది. ప్ర‌ముఖ ఓటీటీ సంస్థ అమెజాన్ ప్రైమ్ వీడియో గుడ్ ల‌క్ స‌ఖి డిజిట‌ల్ స్ట్రీమింగ్ హక్కుల‌ను సొంతం చేసుకుంది.

అయితే బాక్సాఫీస్ వ‌ద్ద ఈ మూవీ పెద్ద‌గా ప్ర‌భావం చూప‌క‌పోవ‌డం వ‌ల్ల‌.. త్వ‌ర‌గానే ఓటీటీలోకి దింపేస్తున్నారు. ఫిబ్ర‌వ‌రి 12న అమెజాన్‌ ప్రైమ్‌లో గుడ్ లక్ స‌ఖి చిత్రం స్ట్రీమింగ్ అవ్వ‌బోతోంది. దీనిపై తాజాగా అధికారిక ప్ర‌క‌ట‌న సైతం వ‌చ్చేసింది.