ప‌వ‌ర్ స్టార్ అభిమానుల‌కు గుడ్ న్యూస్!

ప‌వ‌ర్ స్టార్ ప‌వ‌న్ క‌ల్యాణ్ ప్ర‌స్తుతం నాలుగు ప్రాజెక్ట్ ల‌ని లైన్ లో పెట్టిన విష‌యం తెలిసిందే. రెండు రీమేక్ సినిమాల‌తో పాటు రెండు స్ట్రెయిట్ ప్రాజెక్ట్ లు చేస్తున్నారు. ఇందులో జాగ‌ర్ల‌మూడి క్రిష్ డైరెక్ట్ చేస్తున్న పీరియాడిక‌ల్ మూవీ `హ‌రి హ‌ర వీర‌మ‌ల్లు` ఒక‌టి. ప‌వ‌న్ క‌ల్యాణ్ కెరీర్ లో తొలి సారి చేస్తున్న పీరియాడిక్ ఫిక్ష‌న్ మూవీ ఇది. గ‌త కొంత కాలంగా నిర‌వ‌ధికంగా వాయిదా ప‌డుతూ వ‌స్తున్న ఈ మూవీ తాజా షెడ్యూల్ ఎప్పుడెప్పుడు మొద‌ల‌వుతుందా?.. ఎప్పుడెప్పుడు పూర్త‌వుతుందా? అని అభిమానులు ఆస‌క్తిగా ఎదురుచూస్తున్నారు.

మెగా సూర్య ప్రొడ‌క్ష‌న్స్‌ బ్యాన‌ర్‌ పై స్టార్ ప్రొడ్యూస‌ర్ ఏ.ఎం.ర‌త్నం స‌మ‌ర్ప‌ణ‌లో ఏ. ద‌యాక‌ర్ రావు నిర్మిస్తున్న ఈ మూవీ తాజా షెడ్యూల్ ని త్వ‌ర‌లోనే ప్రారంభిస్తామంటూ వ‌ర్క్ షాప్ ని కూడా చేశారు. ఇందులో ప‌వ‌న్ క‌ల్యాణ్ కూడా పాల్గొన‌డంతో ఇక షూటింగ్ ఆగ‌ద‌ని అంతా అనుకున్నారు. క‌ట్ చేస్తే.. ప‌వ‌న్ క‌ల్యాణ్ జ‌న‌సేన పార్టీ కార్య‌క‌లాపాల్లో భాగంగా వైజాగ్ ప‌ర్య‌ట‌న‌కు వెళ్ల‌డం.. అక్క‌డ వైసీపీ నాయ‌కుల‌పై నిప్ప‌లు చెర‌గ‌డంతో ఏపీలో రాజ‌కీయ వేడి రాజుకుంది.

ఈ నేప‌థ్యంలో `హ‌రి హ‌ర వీర‌మ‌ల్లు` తాజా షెడ్యూల్ మొద‌ల‌య్యేది క‌ష్ట‌మేన‌నే కామెంట్ లు వినిపించాయి. అయితే ప‌వ‌న్ కల్యాణ్ అనూమ్ంగా ఈ మూవీ షూటింగ్ ని బుధ‌వారం రామోజీ ఫిల్మ్ సిటీలో మొద‌లు పెట్టిన‌ట్టుగా తెలుస్తోంది. బ్యాక్ టు బ్యాక్ అంగీక‌రించిన సినిమాల‌ని పూర్తి చేసి వ‌చ్చే ఎన్నిక‌ల‌కు సిద్ధం కావాల‌నే ఆలోచ‌న‌లో వున్నార‌ట‌. ఇందులో భాగంగానే వ‌రుస‌గా పెండింగ్ లో వున్న సినిమాల‌ని పూర్తి చేయాల‌ని ప్లాన్ చేసుకుంటున్నార‌ట‌.

ఇదిలా వుంటే రామోజీ ఫిల్మ్ సిటీలో ప్ర‌త్యేకంగా వేసిన సెట్ ల‌లో `హ‌రి హ‌ర వీర‌మ‌ల్లు` షూటింగ్‌జ‌రుగుతున్న‌ట్టుగా తెలుస్తోంది. ఈ కీల‌క షెడ్యూల్ లో ప‌వ‌న్ తో పాటు హీరోయిన్ నిధి అగ‌ర్వాల్, ఇత‌ర ప్ర‌ధాన తారాగ‌ణం పాల్గొంటున్నార‌ట‌. వారిపై ప‌లు కీల‌క స‌న్నివేశాల‌ని రూపొందిస్తున్నార‌ని తెలుస్తోంది. తాజా షెడ్యూల్ దాదాపు 20 రోజుల పాటు సాగ‌నుంద‌ట‌. ఇది నిజంగా ప‌వ‌న్ అభిమానుల‌కు గుడ్ న్యూసే.

17వ శ‌తాబ్దం మొఘ‌ల్ సామ్రాజ్యం కాలం నాటి ప‌రిస్థితుల నేప‌థ్యంలో ఈ మూవీని తెర‌కెక్కిస్తున్నారు. బాలీవుడ్ న‌టి జాక్వెలిన్ ఫెర్నాండెజ్‌, అర్జున్ రాంపాల్ కీల‌క పాత్ర‌ల్లో న‌టిస్తుండ‌గా ఎం.ఎం. కీర‌వాణిసంగీతం అందిస్తున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.