సమంత బిబి‌ ఎపిసోడ్‌ కు మంచి రేటింగ్‌.. ఆ షో పై భారీ అంచనాలు

దసరా సందర్బంగా సమంత హోస్ట్‌ గా స్టార్‌ మా తెలుగు బిగ్‌ బాస్‌ మారథాన్‌ ఎపిసోడ్‌ ను ప్రసారం చేసిన విషయం తెల్సిందే. మూడు గంటల పాటు సాగిన బిగ్‌ బాస్‌ దసరా స్పెషల్‌ ఎపిసోడ్‌ కు మంచి రేటింగ్‌ వచ్చింది. ప్రారంభ వారం తర్వాత తెలుగు బిగ్‌ బాస్‌ రేటింగ్‌ భారీగా తగ్గింది. మళ్లీ 50వ రోజు ఎపిసోడ్‌ అయిన దసరా స్పెషల్‌ ఎపిసోడ్‌ కు మంచి రేటింగ్‌ వచ్చింది. బుల్లి తెర వర్గాల నుండి అందుతున్న సమాచారం ప్రకారం దసరా స్పెషల్‌ షో కు ఏకంగా 11.4 రేటింగ్‌ వచ్చిందట. సమంతను వెండి తెరపై మాత్రమే కాకుండా బుల్లి తెరపై కూడా చూసేందుకు ప్రేక్షకులు చాలా ఆసక్తిగా ఎదురు చూస్తున్నారని వెళ్లడి అయ్యింది.

బుల్లి తెరపై సమంత కనిపించగా వచ్చిన రేటింగ్‌ నేపథ్యంలో ప్రస్తుతం ఆమె చేస్తున్న ఒక టాక్‌ షో పై అంచనాలు మరింతగా పెరిగాయి. సమంత టాలీవుడ్‌ ప్రముఖ స్టార్స్‌ తో ఆహా ఓటీటీ ప్లాట్‌ ఫామ్‌ కోసం టాక్‌ షోను చేస్తోంది. ఇప్పటికే కొంత మంది ఇంటర్వ్యూలు కూడా పూర్తి అయ్యాయి. ఆ టాక్‌ షో అత్యంత విభిన్నంగా ఎంటర్‌ టైనర్‌ గా ఉంటుందని నిర్వాహకులు అంటున్నారు. దీపావళి సందర్బంగా సమంత టాక్‌ షోను స్ట్రీమింగ్‌ చేయాలని ఆహా వారు భావిస్తున్నారు. మొదట తమన్నాతో ఈ టాక్‌ షోను ఆహా వారు అనుకున్నట్లుగా వార్తలు వచ్చాయి. చివరకు సమంత ఈ టాక్‌ షోను చేసింది. త్వరలోనే ప్రోమోను కూడా విడుదల చేయబోతున్నారు.

బిగ్‌ బాస్‌ కు సమంత హోస్ట్‌ చేసిన ఎపిసోడ్‌ కు మంచి రేటింగ్‌ వచ్చిన నేపథ్యంలో సమంత హోస్ట్‌ గా వ్యవహరించబోతున్న టాక్‌ షో కు కూడా మంచి రేటింగ్‌ వస్తుందనే నమ్మకంను ఆహా వారు పెట్టుకున్నారు. సమంత అక్కడ ఇక్కడ అనే తేడా లేకుండా ఎక్కడ అయినా దున్నేయగలదని ఆహాలో కూడా సమంత టాక్‌ షో అదరగొట్టడం ఖాయం అంటూ ఆమె అభిమానులు మరియు సన్నిహితులు నమ్మకంగా చెబుతున్నారు.