ఇవే గూఢచారి దర్శకుడి ప్లాన్స్

గత శుక్రవారం విడుదలైన సినిమాల్లో 'గూఢచారి' బాక్స్ ఆఫీస్ విన్నర్ గా నిలిచిన సంగతి తెలిసిందే. తక్కువ బడ్జెట్ లో తెరకెక్కించినా - మంచి క్వాలిటీ మేకింగ్ తో - ఇంట్రెస్టింగ్ స్క్రీన్ ప్లేతో ప్రేక్షకులను కట్టిపడేసింది ఈ స్పై థ్రిల్లర్. అడివి శేష్ ఈ సినిమాలో నటించడమే కాకుండా కథ కూడా అందించిన విషయం తెలిసిందే. నూతన దర్శకుడు శశికిరణ్ తిక్కా ఈ సినిమాను రూపొందించిన విధానం అందరినీ ఆకట్టుకుంటోంది.

రీసెంట్ గా దర్శకుడు శశికిరణ్ ఈ సినిమాకు సంబంధించిన విశేషాలు.. తన ఫ్యూచర్ ప్లాన్స్ గురించి ఓ ఇంటర్వ్యూ లో వివరించాడు. శేష్ కనుక లేకపోతే తను ఓ రొమాంటిక్ కామెడీనో - లేదంటే ఒక డ్రామా గానీ టేకప్ చేసుండేవాడినని ఓపెన్ గా చెప్పాడు. ప్రస్తుతానికి తన నెక్స్ట్ సినిమా గురించి డెసిషన్ తీసుకోలేదన్న శశికిరణ్ తన దగ్గర చాలా స్టోరీ ఐడియాలు ఉన్నాయని చెప్పాడు.. వాటి మీద వర్క్ చేసి ఫుల్ స్క్రిప్ట్ గా తీర్చిదిద్దాలని చెప్పాడు. సో తన దగ్గర ఉన్న స్టొరీల్లో ఒక దానిని తీసుకొని నెక్స్ట్ సినిమా చేస్తానని చెప్పాడు. అంటే తన సెకండ్ సినిమాకు సొంత స్టొరీ ఉంటుంది. అది రొమాంటిక్ కామెడీ అనే క్లారిటీ ఇచ్చాడు. ఇంట్రెస్టింగ్ విషయమేంటంటే తనకు వయొలెన్స్ అంటే పెద్దగా నచ్చదట. తన సెకండ్ ఫిలిం తర్వాత 'గూఢచారి' సీక్వెల్ ఉంటుందని తెలిపాడు. సీక్వెల్ తీయాలన్న ఆలోచన హీరో శేష్ ఇచ్చాడని చెప్పాడు.

మరోవైపు 'గూఢచారి' హీరో అడివిశేష్ చెప్పే కథలకు డిమాండ్ పెరిగింది. శేష్ ప్రస్తుతం '2 స్టేట్స్' తెలుగు రీమేక్ లో నటిస్తున్నాడు. ఈ సినిమాతో పాటు తన స్వయంగా కథ అందించి హీరోగా నటించే థ్రిల్లర్ సినిమాకు కూడా రంగం సిద్ధం అవుతోందట. ఈ సినిమాతో రాంజీ అనే నూతన దర్శకుడు తెలుగు తెరకు పరిచయం అవుతున్నాడు. ఈ సినిమాను 'క్షణం' సినిమాను నిర్మించిన పీవీపీ సినిమాస్ వారే నిర్మిస్తున్నారు. ఈ సినిమాలో శేష్ కు జోడీగా రెజీనా కసాండ్రా ను తీసుకున్నారట.