25వ సినిమా.. ఏం చేస్తుందో ఏంటో

హీరో గోపీచంద్ కు ఈమధ్య కాలం కలిసి రావట్లేదు. ప్రతికూల పరిస్థితుల మధ్యనే ముందుకెళ్లాల్సి వస్తోంది. తనకు కమర్షియల్ హిట్ ఇస్తుందని ఎన్నో ఆశలు పెట్టుకుని సంపత్ నంది డైరెక్షన్ లో చేసిన గౌతమ్ నంద బాక్సాఫీస్ వద్ద బోల్తా కొట్టింది. ఇంతకుముందు కంప్లీట్ చేసిన సినిమాలు ల్యాబులు దాటి థియేటర్లకు రావడం లేదు. ఇన్ని ఇబ్బందుల మధ్య తన 25వ సినిమాకు శ్రీకారం చుట్టాడు.

తాను కోరుకుంటున్న సక్సెస్ కోసం ఈసారి గోపీచంద్ కొత్త డైరెక్టర్ తో జట్టు కట్టాడు. లేటెస్ట్ గా రిలీజైన ఎన్టీఆర్ హిట్ మూవీ జై లవ కుశకు అసిస్టెంట్ స్క్రిప్ట్ రైటర్ గా పనిచేసిన కె. చక్రవర్తి డైరెక్షన్ లో కొత్త సినిమా చేయబోతున్నాడు. బెంగాల్ టైగర్ ఫేం నిర్మాత కె.కె.రాధామోహన్ ఈ సినిమాను ప్రొడ్యూస్ చేయనున్నాడు. ఈమధ్య వరస హిట్లతో దూసుకుపోతున్న మెహ్రీన్ హీరోయిన్ గా నటించనుంది. యంగ్ మ్యూజిక్ డైరెక్టర్ గోపీసుందర్ సంగీతం అందించనున్నాడు. సినిమా రెగ్యులర్ షూట్ వచ్చే నెల నుంచి ప్రారంభం కానుంది.

ఓ రకంగా చెప్పాలంటే ప్రస్తుతం గోపి పరిస్థితి అసలు బాగాలేదు. సినిమా పూర్తి చేసినా దానిని థియేటర్లకు తీసుకురావడానికి ఆపసోపాలు పడాల్సి వస్తోంది. ఆ మధ్య నానా తిప్పలు పడి ఆరడుగుల బుల్లెట్ ను రిలీజ్ చేయడానికి సిద్ధమైనా ఫైనాన్షియల్ ఇబ్బందుల వల్ల బొమ్మ పడలేదు. అలాగే ఆక్సిజన్ కూడా రిలీజ్ కావడం లేదు. రిలీజ్ అయినవి తన్నేస్తున్నాయి. ఇప్పుడు కె.చక్రవర్తి డైరెక్షన్లో చేస్తున్న సినిమా అన్నా రిలీఫ్ ఇస్తే బాగుండు. చూద్దాం మరి ఈ సినిమా ఏం చేస్తుందో